Connect with us

تازه خبرونه

غني: پاکستان دې له افغانستان سره ژمنه شوې ۵سوه ميليون ډالره د ترورېزم په خلاف لګوي

خپور شوی

د

(Last Updated On: لړم ۲, ۱۴۰۱)

47094686-cms_1

ولسمشر محمداشرف غني له پاکستان څخه غوښتي چې له افغانستان سره ۵سوه ملیون ډالره ژمنه شوې پیسې په خپل هېواد کې د سخت دریځۍ په خلاف ولګوي.

د ولسمشر په وینا په افغانستان کې له سولې پرته د پاکستان مرسته د افغانانو ستونزه نه حل کوي. ولسمشر چې د اسیا زړه هېوادونو په کنفرانس کې خبرې کولې وویل چې له پاکستان سره د ګډ کار هڅو یې ګټه ونه کړه او د بروکسل له کنفرانس وروسته له افغانستان سره د پاکستان نااعلان شوې جګړې لا شدت وموند.

د هند لومړي وزیر هم د سوله يیز افغانستان غوښتنه وکړه او ټينګار یې وکړ چې د سخت دریځو او د هغوی د ملاتړو د ماتولو له پاره باید غښتلې اراده را منځ ته شي.

د اسیا زړه هېوادونو شپږمه غونډه د هند او افغان ولسمشرانو په ګډ کوربه توب د هند په امرتسر کې پیل شوه. په دغه غونډه کې د نړۍ څلوېښتو هېوادونو په ګډون د څوارلسو غښتلیو هېوادونو استازو هم ګډون درلود. افغان ولسمشر محمداشرف غني په خپلو خبرو کې له پاکستان سره د ګډ کار د هڅو د ناکامېدو سربېره پاکستان ته سخت پیغام ورکړ.

ولسمشر محمداشرف غني وايي: “پاکستان له افغانستان سره د سخا له مخې د پنځو سوو میلیونو ډالرو د مرستې ژمنه کړې. ښاغلی عزیز تاسو کولای شئ دغه پیسې په ښه توګه د سخت دریځۍ خلاف ولګوئ، ځکه چې په افغانستان کې له سولې پرته هر څومره مرستې د افغانانو درد نه دوا کوي. یو شمېر هېوادونه لاهم له ترهګرو ملاتړ کوي او خوندي ځایونه یې ورکړي. په دې وروستیو کې د وسله والو طالبانو یوه مهم غړي کاکا زاده په زغرده وویل چې که له دوی سره د پاکستان ملاتړ نه وای، طالبانو د یوې میاشتې تاب هم نه درلود. زمونږ د ستونزې حل، آسیایي، نړیوالو، اسلامي او سیمه يیزو هڅو ته اړتیا لري.”

ولسمشر له افغانستان سره د هند مرستې رڼې وبللې او زیاته یې کړه، هند هڅه کوي چې افغانستان له اړتیاوو وژغوري.

ولسمشر اشرف غني وايي: “د مهارتونو او اسانتیاوو له مخې د هند مرستې ډېرې ګټورې دي. هند غواړي له افغانستان سره داسې مرستې وکړي چې د افغانانو ستونزې پرې حل شي. د هند مرستې، شفافې، له قید او شرط او کوم پټ توافق پرته له افغانستان سره کېږي.”

له بلې خوا د هند لومړي وزیر وویل چې د اسیا زړه هېوادونو په غونډه کې نړیوالو په ډاګه کړه چې د پایداره او باثباته افغانستان له پاره ژمن دي.

د هند لومړی وزیر نریندرا مودي وايي: “زمونږ عمل او خبرې ټولې په دې متمرکزې دي چې له افغانستان سره د اوږدمهاله او حیاتي ماموریت څنګه بریالی کړو. مونږ باید د افغانستان پنځلس کلن پرمختګونه وساتو ځکه چې دا یوازې د افغانستان په ګټه نه بلکې د سیمې په ګټه هم دي.”

د هند لومړي وزیر نریندرا مودي ټينګار وکړ چې د سخت دریځو او د هغوی د ملاتړو په خلاف د مبارزې له پاره باید سره یو موټی شو.

نرندرا مودی زیاتوي: “د افغانانو په رهبرۍ او اراده، سوله ډېره مهمه ده او د ستونزې حل په کې نغښتی دی. مونږ باید د ترهګرو او د هغوی د ملاتړو په خلاف مبارزه کې سره یو موټی شو. له افغانستان سره دوه اړخیزې، سیمه يیزې همکاري د بشري ودې له پاره دوام ومومي.”

دغه راز افغان او هندي چارواکي وايي چې ډېر ژر به د سوداګریزو چارو له پاره یو هوايي دهلېز پرانیزي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!