تازه خبرونه
عبدالله عبدالله: د کابل بانک د دوسیې په تړاو سیاسي چلند نه منو
د حکومت اجرایوي رییس وايي چې د ملي یوالي حکومت د هوکړې ټول مواد به بند په بند عملي کړي.
په ورته وخت کې، ښاغلي عبدالله د سمنګان ولایت له یو شمیرمخورو سره د لیدنې په ترڅ کې ټینګار وکړ چې د کابل بانک له دوسیې سره به هیڅکله هم سیاسي چلند ونکړي.
رپوټ :…………
داسې ښکاري چې د کابینې د جوړښت په هکله د ولسمشر او اجرايوي ريیس د استازو تر منځ د څوکیو د ویش خبرې اوږدې شوي دي.
د حکومتي چارواکو تر منځ د واک د ویش په هکله د نظر اختلافاتو ته په کتو د ملي یوالي د حکومت اجرایوي رییس ډاکتر عبدالله عبدالله د سمنګانو ولایت له یو شمیر اوسیدونکو سره د خبرو په ترڅ کې وویل چې د ملي یوالي د حکومت د جوړښت په هکله د لاسلیک شوې هوکړې ټول مواد به بند په بند عملي کوي.
عبدالله عبدالله وایي، هوکړه لیک به له الف تر یا عملي کیږي، نو له همدې امله به په نږدې ورځو کې په دې اړه عملي ګامونه واخستل شي او په اړه پوره غور په کار دی.
نوموړي همدا راز سرپرست وزیرانو او والیانو ته هم د خبرداري په ډول وویل چې هیڅوک حتی د یوې شیبې له پاره هم د بې پروایي حق وه لري.
ښاغلی عبدالله عبدالله وايي چې د کابل بانک دوسیه به له سیاسي جوړجاړیو و ژغوري.
هغه هغه ټینګار کوي او وايي چې :”کله چي له فساد سره د مبارزي خبره کوو، کله چي د کابل بانک د دوسیي په اړه د تحقیق خبره کوو چې ټول وايو په دې اړه دې سمه پلټنه وشي؛ نو سیاسي چلند نه منو.”
دا په داسې حال کې ده چې د کابل بانک د اختلاس دوسیې استیناف محکمې د یوه حکم په صادرولو سره د ټولو تورنو شتمنۍ کنګل او د کابل بانک پخواني رییسان یې په لس لس کاله بند د ټولو اختلاس شویو پیسو په ورکړه محکوم کړل.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه19 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
نړۍ17 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی18 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ