Connect with us

تازه خبرونه

طالبان د مل پاسوال رازق د قاتل مړی غواړي

خپور شوی

د

(Last Updated On: لړم ۲, ۱۴۰۱)

د تېرې چارشنبې پر ورځ د فراه ولایت د اناردرې ولسوالۍ د اړوند غرنۍ سیمې د یوې چورلکې د راغورزیدو په پېښه کې یو شمېر پوځيانو او د ولایتي شورا غړيو خپل خوږ ژوند له لاسه ورکړ، چې تر دې دمه یې مړي د هغو  کورنیو ته تسلیم شوي ندي او د طالبانو په واک کې پاتې دي.

د فراه والي ویاند ناصر مهري وایي، که څه هم طالبانو د ملکي وګړیو او د ولایتي شورا د غړې جمیلې امینې مړي د هغو کورنیو ته سپارلي؛ خو د ولایتي شورا د رییس فرید بختور او د ظفر ۲۰۷ قول اردو د مرستیال جنرال نعمت الله خلیل او نورو پوځیانو مړي سره صلیب او یا هم دولت ته ندي سپارل شوي.

دا په داسې حال کې ده، چې طالبانو د یوې خبرپاڼې د خپرولو تر څنګ د هغه بریدګر مړی غوښتی، چې د کندهار ولایت امنیه قومندان مل پاسوال رازق او د ملي امنیت رییس حسین خېل یې وژلي دي. پرته له دې به په راغورزیدلې چورلکه کې د پوځيانو او ولایتي شورا د غړیو جسدونه هم د هغو کورنیو ته ونه سپارل شي.

د هغو څېړنو له مخې، چې پر پېښې تر سره شوي ښيي: هغه چورلکه، چې د فراه ولایت په انار دره کې راغورزیدلې؛ له تخنیکي ستونزو سره مخ شوې وه.

په دې پېښه کې، چې تېره چارشنبه د فراه په اناردره کې راغورزیدلې ۲۷ کسان سپاره ول، چې ټولو په کې خپل خوږ ژوند له لاسه ورکړی دی.

Advertisement

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خوښي وښودله.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

تازه خبرونه

په فاریاب او سرپل کې سېلابونو ځاني او مالي زیانونه اړولي

Published

on

(Last Updated On: وری ۹, ۱۴۰۳)

سیمه‌ییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.

دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.

د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.

Continue Reading

Trending

Copyright © 2022 Ariana News. All rights reserved!