Connect with us

تازه خبرونه

طالبان ښایي خپلو جنګیالیو ته د اختر په مناسبت د اوربند سپارښتنه وکړي

خپور شوی

د

(Last Updated On: لړم ۲, ۱۴۰۱)

د وسلوالو طالبانو له لیکو باخبرې سرچیني ویلي، چې ښايي سبا طالبان خپلو جنګیالیو ته د لوی اختر په مناسبت د اوربند سپارښتنه وکړي.

که څه هم د لوی اختر په درشل کې وسلوالو طالبانو خپلو بریدونو ته زور وکړی؛ خو بیا هم تمه شته، چې وسلوال طالبان تېر کوچني اختر ته ورته د لوی اختر په ورځو کې هم خپلو جنګیالو ته د جګړې درولو سپارښتنه وکړي.

پخوانی طالب چارواکی سید اکبر آغا وایي؛ زه یقیني ویلی نشم، چې طالبان به اوربند اعلان کړي. طالبانو په تېر اختر کې اوربند وکړ او دا یې هم وویل، چې په هر اختر کې اوربند کوي؛ خو اعلاموي یې نه!

د سولې عالي شورا له وسلوالو طالبانو او افغان دولت څخه غواړي، چې اوږدمهاله اوربند وکړي.

د سولې عالي شورا ویاند احسان طاهري وایي، چې مونږ اوربند له دواړو خواوو غواړو؛ خو اوږدمهاله. که دولت اوربند اعلام کړ، طالبان دې هم اوربند وکړي او که طالبانو اوربند اعلام کړ، حکومت دې هم اوربند وکړي.

دیني عالمان هم تمه لري، چې وسلوال طالبان به دا ځل د اختر په مناسبت اوربند اعلان کړي.

د عالمانو شورا مرستیال شېر احمد شمس الوطن وایي؛ کله، چې یو ملت ته د اختر مبارکي وړاندې کیږي؛ سوله ییزه فضا باید رامنځته شي. کله، چې سوله نه وي؛ د اختر مبارکي به څه وي. هیله من یو، چې اوربند به ومنل شي.  

د ولسي جرګې یو شمېر غړي هم په دې باور دي، چې وسلوال طالبان به دا ځل هم د اختر په احترام اوربند وکړي.

د ولسي جرګې غړې حبیبه دانش وایي، کیدی شي طالبان د اختر لپاره څو ورځنی نارسمي اوربند اعلام کړي؛ خو باید د تېر اختر ترخه تجربه بیا تکرار نشي.

د کابل ښار اوسیدونکي د جګړې پر ښکېلو غاړیو غږ کوي؛ لږ تر لږه باید د اختر په ورځو کې اوربند وکړي، چې هېوادوال وکولی شي په ډاډه زړه دیني او مذهبي مراسم پر ځای کړي او ابراهیمي اختر ته په خوښۍ ښه راغلاست ووايي.

د کابل اوسیدونکی حسین وایي؛ ټول سوله غواړي، خو سوله باید رڼه او ښکاره وي او د خلکو د سر په بیه نه وي.

د کابل یو بل اوسیدونکی علی نومی وایي، دولت خپله بې تفاوته دی؛ اوربند، اوربند وايي؛ خو داعش او طالب اوربند نکوي.

د کابل ښار یو بل اوسیدونکی علی رضا وایي، طالب هم د دې خاورې بچی دی؛ لیرې او نږدې کورونه لري. که زما مني؛ نو رادې شي او په سوله کې دې خپل هېواد آباد کړي.  

په افغانستان کې د روانې اووه لس کلنې جګړې په درشل کې د لومړي ځل لپاره وسلوالو طالبانو په تېر کوچني اختر کې خپلو جنګیالیو ته د اوربند ښکاره اعلان وکړ، چې د هېوادوالو له تاوده هرکلي سره مخ شو. له دې ټولو سره سره په غزني، میدان وردګ، بغلان او فاریاب کې د وسلوالو طالبانو شدیدو بریدونو، چې په ګڼ شمېر افغان سرتېري او عام وګړي په کې ووژل شول، د اوربند هیلي یو څه پیکه کړې هم دي.

خبریاله: دیانا صمدي

تازه خبرونه

تېر ۲۰۲۳ کال د افغانستان د خلکو لپاره د سترو ننګونو کال و -راپور

Published

on

(Last Updated On: وری ۳۰, ۱۴۰۳)

په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.

 په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.

ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.

د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.

ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بې‌وزلۍ کې ژوند کوي.

دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.

Continue Reading

تازه خبرونه

ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل

Published

on

(Last Updated On: وری ۳۰, ۱۴۰۳)

د خوړو نړيوال پروګرام ویلي، چې تېر کال يې په افغانستان کې د سيمه‌ييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.

د دې پروګرام د افغانستان برخې د چارشنبې پر ورځ (د وري نهه‌ویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.

دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.

د خصوصي سکتورغړي هم  وايي؛ د خوړو نړیوال پروګرام له‌خوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان  له فقر او اقتصادي بحران څخه وژغوري.

دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.

Continue Reading

تازه خبرونه

په بیجینګ کې د چین او افغانستان درېیمه اقتصادي ناسته تر سره شوه  

Published

on

(Last Updated On: وری ۳۰, ۱۴۰۳)

په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.

د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.

دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.

د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.

 افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.

چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.

د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.

د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.

دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.

افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.

ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.

Continue Reading

Trending

Copyright © 2022 Ariana News. All rights reserved!