Connect with us

تازه خبرونه

طالبانو د غزني ولایت د خواجه عمري ولسوال او امنیت آمر وژلي

خپور شوی

د

(Last Updated On: لړم ۲, ۱۴۰۱)

تېره شپه د غزني ولایت د خواجه عمري پر ولسوالۍ د طالبانو په ډله ییز برید کې د دې ولسوالۍ د ولسوال علي دوست شمس او امنیت آمر په ګډون دولس کسان وژل شوي او ۹ نور ټپیان دي.

د غزني ولایت امنیه قومندان محمد زمان خوستي په ډاګه کړې، چې د پنجشنبې د شپې پر دوه بجو طالبانو د دې ولسوالۍ ماڼۍ پر توغندیزو بریدونو وسوځوله.

ښاغلي خوستي زیاته کړې، چې د هوایي ځواک پر رارسیدو په دې ولسوالۍ کې ۲۷ طالبان له پښو وغورزول شول.

د خواجه عمري ولسوالۍ د پراختیایي شورا رییس سمیع الله شریفي ویلي، چې په دې پېښه کې د دې ولسوالۍ د امیت آمر او ولسوال هم وژل شوی دی.  

د نوموړي په وینا؛ دغه ولسوالي له پېنځو نورو ناامنو ولسوالیو سره ګډه پوله لري، چې هر وخت کولی شي اړوند سیمې تر ګواښ لاندې راولي.

د غزني ولایت امنیت آمر رمضانعلی محسني ویلي، چې د هېواد هوایي ځواکونو هم طالبان بې ځوابه نه دي پریښي او ۴۵ طالبان یې له پښو غورزولي دي. دا په داسې حال کې ده، چې د سیمې خلکو څرګنده کړې، چې طالبانو د خلکو له موترو څخه په ګټه پورته کولو خپل جسدونه له سیمې لیږدولي او امنیتي ځواکونه پخپل وخت سیمې ته نه دي رارسیدلي.

د سیمې خلکو دغه راز زیاته کړې، چې سیمه ییزو ځواکونو تېره شپه په ساعتونو له طالبانو سره جګړه وکړه؛ خو د مرستې لپاره یې ځواکونه ؛ ځکه راونه رسیدل، چې دا ځواکونه په لاره کې د طالبانو له کمین سره مخ شول.

ویل کیږي، چې د دې ځواکونو یو هاموی هم سوځول شوی دی.

په ولسي جرګه کې د غزني استازي محمد عارف رحماني ویلي، چې دا ولسوالي د غزني له ښار سره لږیدلې، خو سیمه ییز چارواکي پر ولسوالۍ له بریده یا خبر شوي نه دي او یا یې تر یو وخته چوپتیا غوره ګڼلې ده.

هغه زیاتوي: کله، چې د مرستې لپاره ځواکونه لیږل کیږي؛ نه یوازې له خنډونو سره مخ کیږي، بلکې تلفات هم ویني. 

نوموړي زیاته کړې، چې امنیتي، کشفي او استخباراتي ادارې په غزني کې  د شرم پړاو ته رسیدلي  او همغږي نلري.

طالب ویاند ذبیح الله مجاهد ویلي، چې طالبانو د خواجه عمري ولسوالۍ نیولې او ګڼو سرتېرو ته یې مرګ و ژوبله اړولې؛ خو سیمه ییزو چارواکو دا ادعا رد کړې ده.

خواجه عمري ولسوالي د ښار په ۱۵ کیلومترۍ کې پرته ده او ښاري خلک د رخصتیو او جمعې په ورځو کې دې ولسوالۍ ته د سیاحت او چکر لپاره راځي.

تازه خبرونه

په کابل کې پر اړمنو کورنیو د بیات بنیاد د روژې مرستې ووېشل شوې

Published

on

(Last Updated On: وری ۹, ۱۴۰۳)

د بیات بنیاد مسوولینو ويلي، چې نن (پنجشنبه د وري نهمه) په کابل کې پر اړمنو او بې‌وزلو کورنیو د د دې بنسټ د روژې مرستې ووېشل شوې.

د دغه بنسټ مسوولینو څرګنده کړې، چې دغه مرستې به د روژې مبارکې میاشتې تر پایه روانې وي.

د بیات بنیاد مرستیال حاجي محمد اسماعیل وايي؛ د دغه بنسټ په مرستو کې اوړه، وريجې او غوړي شته ، چې له يوې رڼې سروې وروسته پر مستحقينو ووېشل شول.

د مرستې ترلاسه کوونکيو د بیات بنیاد له دې مرستو مننه وکړه او له نورو خیریه بنسټونو هم غواړي، چې په دې مبارکه میاشت کې ورسره ورته مرسته وکړي.

بیات بنیاد له نږدې دوه لسیزو راپدیخوا د روژې په میاشت کې د مرکز او ولایتونو له زرګونه اړمنو کورنیو سره د خوراکي او غیر خوراکي توکو مرستې کوي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!