Connect with us

تازه خبرونه

طالبان د سولې لپاره رامنځته شوي فرصت له منځه وړي- عبدالله عبدالله

خپور شوی

د

(Last Updated On: لړم ۳, ۱۴۰۱)

اجرائیه رييس وسلوال طالبان تورن کړل، چې ګواکې د سولې رامنځته شوی فرصت له منځه وړي او پر جګړه ټينګار یې د جنګي جنایتونو لپاره زمینه برابروي.

سیمې ته د افغان سولې لپاره د امریکا د ځانګړي استازي زلمي خیلیلزاد د اووم پړاو سفر په لړ کې لویدیځو چارواکو بریتانوي رسنیو ته ویلي، چې د امریکا او طالب استازیو خبرې پر نه غوڅيدونکې لانجه اوښتي دي.

تلګراف ورځپاڼې ته دغو چارواکو ویلي، چې دا خبرې؛ ځکه پېچلې شوي، چې طالبان له افغانستان څخه د ټولو نړیوالو سرتېرو پر وتو ټينګار کوي.

اجرائيه رييس عبدالله عبدالله وسلوال طالبان تورنوي، چې د سولې فرصت له منځه وړي.

اجرائيه رييس عبدالله عبدالله وایي، چې طالبان د وینو توییدو او د جګړې د غزیدو مسوولیت پر غاړه اخلي او د سولې فرصت له منځه وړي. دا هغه څه دي، چې خلک به یې په اړه قضاوت وکړي.

د نظر خاوندان وايي؛ طالبانو او امریکا ته په کار دي، چې د سولې په خبرو کې نرمښت وښيي او را منځته شوی فرصت له منځه ولاړ نشي.

سیاسي هڅاند داور نادي ویلي، چې هیلي ورو ورو پر ناهیلۍ بدلیږي او ښکېلو خواوو د سولې په اړه عقلي لار نده نیولې.

پخوانی طالب چارواکي سید اکبر آغا ویلي، چې  امریکا غواړي حکمتیار ته ورته طالبان هم د سولې بهیر ته راواړوي، چې هیڅ ګته او لاسته راوړنه به ونلري؛ خو په دې فکر کې نه بریالي کیږي.

دغه راز د تاجکستان ولسمشر امام علي رحمان د افغان سولې په اړه د سیمې د دوه مخي سیاست له کبله نیوکه کړې ده.

د تاجکستان ولسمشر امام علي رحمان ویلي: ښې خبرې او غوره کنفرانسونه وړاندې کوو؛ خو پایله یې څه ده، مونږ لیدلي، چې په ځینو برخو کې دوه ګونی سیاست کارول کیږي، چې دا د منلو نده.

د افغان سولې لپاره د امریکا ځانګړي استازي زلمي خلیلزاد سیمې ته د خپل اووم سفر په لړ کې پاکستان ته تللی دی. په اسلام آباد کې یې د واشنګتن سفارت په یوه اعلامیه کې ویلي، چې خلیلزاد پاکستاني چارواکي د سولې په خبرو کې له شویو پرمختګونو خبر کړل.

په پام کې ده، چې زلمی خلیلزاد به بلجیم، آلمان، عربي متحده اماراتو، قطر او افغانستان ته هم سفرونه ولري.

لدې ټولو سره سره امریکايي چارواکي او طالبان هیله من دي، چې دا ځل به د سولې په خبرو کې یوې پایلې ته ورسیږي.

خبریال: شاهپور فرفمند

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!