Connect with us

تازه خبرونه

طالبان اوس هم د سولې( اصلي خنډ) دی ـ عبدالله عبدالله

خپور شوی

د

(Last Updated On: لړم ۳, ۱۴۰۱)

د حکومت اجرائیه رییس عبدالله عبدالله د جمعې پر ورځ( د غویی ۱۳) له غرمې وروسته د ترکیې په استانبول ښار کې د دغه هېواد له ولسمشر رجب طیب اردوغان سره ولیدل.  

د اجرائیه ریاست د خبرپاڼې له مخې؛ دواړو خواوو په دې لیدنه کې پر دوه اړخیزو همکاریو، د افغانستان د سولې بهیر، ټاکنو او پانګونې بحث او خبرې کړې دي.  

په خبرپاڼې کې راغلي؛ د ترکیې ولسمشر په خپلو خبرو کې څرګنده کړې، چې په افغانستان کې سوله او ثبات د ترکیې لپاره هم بشپړ اهمیت لري.

ښاغلي اردوغان د ځوان پارلمان د کار پیلول وستایل او دا یې په افغانستان کې د ولسواکۍ پر لوري ټینګ پورته شوی ګام ونوماوه.

نوموړی د افغانستان له خلکو او حکومت سره د همکاریو پر غزولو ټینګار کوی او وایي، چې ترکیه د افغانستان د حکومت او خلکو تر څنګ ولاړه ده او خپلې مرستې به هم روانې ساتو.  

ښاغلی اردوغان دغه راز د سوداګرۍ او پانګونې د پراختیا غوښتونکی شو او وایي، چې ترکي شرکتونو په افغانستان کې پانګونه کړې او دا بهیر اوس هم روان دی. هیله من یم، چې د افغانستان حکومت دغو شرکتونو ته نه یوازې آسانتیاوې برابرې کړي، بلکې ورسره همکاري هم وکړي. مونږ چمتو یو، چې د افغانستان د اړتیاوو له مخې پانګونه وکړو او خپل صادرات او واردات تنظیم کړو.

د اجرائیه ریاست په څرګندونو کې راغلي، چې ترکیه په افغانستان کې د سولې په اړه له روانو هڅو ملاتړ کوي او په دې اړه یې پر مسوولانه پرېکړو ټینګار کړی دی.

ښاغلي عبدالله عبدالله د افغانستان له (آزادو او باوري) ټاکنو ملاتړ وکړ او هغه د سیمې د سولې او ثبات لپاره هم ګټورې بولي.   

دغه راز اجرائیه رییس د افغانستان او ترکیې اړیکې له دوستانه، تاریخي او فرهنګي ارزښتونو ډکې بولي او دغه هېواد یې خپل ستراتیژیک متحد ونوماوه.

عبدالله عبدالله په افغانستان کې د ترکیې سوله ییزې هڅې وستایلې او څرګندوي، چې اوس هم سولې ته د افغانانو د رسیدو(اصلي خنډ) طالبان دي.  

هغه د سولې په اړه د امریکا او طالبانو د خبرو له پیل شویو هڅو یادونه کړې او وایي، چې حکومت او خلک عادلانه سولې ته ژمن دي؛ خو طالبان له حکومت او خلکو سره خپلمنځي خبرو ته چمتووالی نلري.

د یادونې ده، چې دواړو خواوو په سوداګریزو اړیکو کې د آسانتیاوو پر رامنځته کولو او په اړینو برخو کې پانګونې ته د زمینې پر برابرولو دوه اړخیز ټینګار کړی دی.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!