Connect with us

تازه خبرونه

سلګونو کابل ښاریانو د وروستیو بریدونو ټپیانو ته وینه ورکړه

خپور شوی

د

(Last Updated On: لړم ۳, ۱۴۰۱)

vlcsnap-2015-08-08-19h39m33s108

نن یو شمېر کابل ښاریان چې ښځې هم په کې شته، په لیکو کې درېدلي وو او په دې تمه و چې د وینو د ورکړې نوبت ور ته ورسیږي.

دوی وویل چې د دغو پیښو زیاتره قربانیان وینو ته اړتیا لري او خلک باید هغوي ته د وینو په ورکړې سره خپل مسولیت ادا کړي.

دوی د ځانمرګو بریدونو قربانیانو ته د وینو ورکړه د هر هېواد وال انساني مسولیت بولي.

د کابل اوسیدونکی – رامین الله:

وېره اچوونکو ته مې دا پیغام دی چې له دې کار څخه لاس واخلي؛ ملکي کسان څخه ګناه لري – دوی په دې کار سره غواړي د خلکو تر منځ ویره ترهه خوره کړ ي.    

په همدې حال کې ځینې مدني فعالان له حکومت غواړي چې د ځانمرګو بریدونو د مخنیوي لپاره عملي پروګرامونه وسنجوي.

vlcsnap-2015-08-08-19h38m47s232

حمیرا قادري – مدني فعاله:

زه له ګاونډیو هیوادونو څخه ګیله نه لرم؛ د دې هیواد قسم خوړلي دښمنان تل معلوم دي؛ زموږ ګیله د هیواد د امنیت له مسولینو څخه ده؛ د دې هیواد له مشرانو څخه چې د هیواد امنیتي حالت په وړاندې په یو ډول بې پروا دي.

بلخوا ځینې نور کابل ښاریان چې د وینو د ورکې لپاره ورغلي، په حکومت نیوکه کوي او اوښکې تویوي چې ولې د ملکیانو د مرګ ژوبلې د بهیر مخه نه نیول کیږي.

د کابل اوسیدونکی – عزیز الله احمدي:

په خپل ځان کې درایت پیدا کړئ! نور نه غواړو چې زموږ له هغو دښمنانو سره سوله وکړئ چې موږ یې دردمن کړي یو؛ په تېرو ۲۴ ساعتونو کې زموږ شاو خوا ۷۵۰ تنه هیوادوال په غم اخته شول؛ آیا تاسو ا حساس لرئ!

یوې زړې میرمنې هم د خپلو مسولیت د ادا کولو په موخه هغو کسانو ته وینه ورکړه چې ورته اړتیا لري.

د کابل اوسېدونکې – بي بي حاجي:

“نه غواړم دا وینه توېدنه او جنګ دوام وکړي.”    

بلخوا ډاکټران وایي، چې د شاه شهيد سیمې او نورو سیمو د وروستیو پیښو زیاتره ټپیان وینو ته اړتیا لري او د وینو ورکړه د دې تر څنګ چې ګټه لري زیان نه اړوي.

د کابل ښار په وروستیو بریدونو کې د قربانیانو شمېره ډیره لوړه او بې سارې وه، اوس زیاتره کسان په روغتونونو کې بستر دي او وضعیت یې ښه نه دی، خو هغو کسانو ته چې وینو ته اړتیا لري، د وینې ورکړه کولای شي، د هغوي ژوند وژغوري.

خبریال: رفیع صدیقي

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!