Connect with us

تازه خبرونه

راتلوونکې اوونۍ به په ختیځ کې شفق نومي، نوي عملیات پیل شي-غني

خپور شوی

د

(Last Updated On: لړم ۲, ۱۴۰۱)

ghani---

د جمعې په ورځ سیلاب قل اردو د ولسمشرمحمد اشرف غني، د دفاع اوکورنیو چارو وزیرانو کوربتوب وکړ.

ولسمشر لومړی په کوټ ولسوالۍ کې د داعش له خوا د وژل شویو هېواد والو فاتحه واخسته. څو ساعته یې د بندو دروازو ترشاه له امنیتي منسوبینو سره ناسته وکړه او وروسته یې سرتېرو ته په وینا کې وویل:  په راتلوونکي اوونۍ کې به په ختیځ کې د وسلوالو مخالیفینواو په ځانګړي توګه د داعش پرضد د شفق په نوم عملیات پيل شي، چې په کې به د داعش جرړې وویستل شي.

د افغانستان ولسمشر  محمد اشرف غني وویل: د افغان ځواکونو د قربانیوپه پایله کې پرافغان حکومت د نړۍ باور نور هم ډېر شوی او نړۍ ژمنه وکړه، چې تر ۲۰۲۰ کال پورې به د امنیتي ځواکونو پشپړ ملاتړ کوي.

ده زیاته کړې، چې له وسلوالو سره د جګړې مشري افغان ځواکونو کوي؛ خو د اړتیا په صورت بهرني ځواکونه له افغان ځواکونو سره هر راز مرستې ته چمتو دي او له دې وروسته به هر ډول وسلوال په نښه کوي.

ولسمشر دغه راز په ډاګه کړې، چې اوس هم د افغانستان دښمنان د حکومت د ړنګولو هڅې کوي او بې ګناه افغانان وژني؛ خو په وینا یې، سختې ورځې په ختمېدو دي او راتلوونکي دوه کلونه د افغانانو له پاره سرنویشت ټاکوونکي دي.

هغه وايي، وسلوال که سوله ونه کړي؛ پرته له دې، چې و وژل شي بله لار نه لري.

ولسمشر وویل، د سولې له پاره یې له ټولو ممکنو لارو استفاده وکړه؛ خو د طالبانو بادارنو هغوی ته اجازه ورنه کړه، چې سوله وکړي.

ده زیاته کړه، چې: جګړه نه کوي؛ خو باوري دی، چې تپل شوې جګړه به افغان ځواکونه ګټي.

هغه دا هم وویل؛ افغان ځواکونه داخلي جګړه نه، بلکې د سیمې د ګټو له پاره جګړه کوي. ولسمشر ژمنه وکړه، چې وژل شویو سرتېرو ته به مېنې ورکړي او مسوولینو ته یې امر وکړ، چې د سیلاب قل اردو ، هغه منسوبینو او سرتېرو، چې په دنده کې وړتیا ښودلې مکافات کړي. خبریال: رحمت الله زیارمل.

Advertisement

تازه خبرونه

افغانستان او چین په سیمه کې پوره همغږۍ او همکاریو ته اړتیا لري – امیر خان متقي

Published

on

(Last Updated On: غویی ۴, ۱۴۰۳)

د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.

امیر خان متقي دغه څرګندونې په کابل کې د چین له سفیر ژاو‌شینګ سره په کتنه کې کړې دي.

د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.

د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.

امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.

د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.

هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.

Continue Reading

تازه خبرونه

راشد خان د افغان بیسیم سوداګریز سفیر شو

Published

on

(Last Updated On: غویی ۴, ۱۴۰۳)

د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.

یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.

راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.

هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.

Continue Reading

تازه خبرونه

د اسلامي همکاریو ټولنې پلاوي د اروپايي ټولنې له استازې سره ولیدل

Published

on

(Last Updated On: غویی ۴, ۱۴۰۳)

د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.

په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.

میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.

هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.

له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.

Continue Reading

Trending

Copyright © 2022 Ariana News. All rights reserved!