تازه خبرونه
د کوچني ناور سيمه له مخالفينو پاکه شوه
په هلمند کې د عملياتو په لړ كې د کوچني ناور سيمه د وسله والو طالبانو له منګولو خلاصه شوه، ياده شوې سيمه د ناوې او نادعلي ولسواليو او مرکز لښکرګاه تر منځ پرته ده چې د چارواکوپه وينا وسله والو مخالفينو له همدې سيمې يادو شويو ولسواليو ته غځيدلې لار ناامنه کړې وه.
دوی همدا راز وايي چې د ولسمشر د وروستۍ وينا سره سم يې په وسله والو مخالفينو بريدونه ډېر کړي دي.
د هلمند امنيه قوماندان عبدالرحمن سرجنګ د چهارشنبې په ورځ په سيمه کې خبريالانو ته وويل: “ياده شوې سيمه په دې وروستیو کې ناامنه شوې وه چې ځينې وخت به وسله وال طالبان لويې لارې ته راوتل او عام اوسېدونکي يې له ستونزو سره مخ کول چې د دوه ورځنيو عملياتو په ترڅ کې مو ونيوه او نويې امنيتي پوستې مو په کې ځای پر ځای کړې.”
هغه وايي په دې عملياتو کې مرګ، ژوبله نه ده اوښتې خو وسله وال طالبان به د خلکو په کورونو کې پټېدل او له هغوی به يې په زور خپلې لومړنۍ اړتياوې د خوراک او ترانسپورت په برخه کې پوره کولې.
سرجنګ زياتوي: “د ولسمشر له وروستۍ وينا سره سم مو په بېلابېلو سيمو کې د وسله والو مخالفينو په وړاندې بريدونه زيات کړي او ډاډ ورکوو چې په نږدې راتلونکي کې به ځينې سيمې له وسله والو مخالفينو څخه په بشپړه توګه خلاصې کړو.”
هغه وايي چې اوس د امنيتي ځواکونو په تشکيلاتو کې او همدا راز د تجيزاتو په برخه کې ډېرې ستونزې حل شوې دي، دا په داسې حال کې ده چې دوه ورځې وړاندې په هلمند کې يو امريکايي جنرال خبريالانو ته ويلي وو چې وسله وال طالبان نور په هلمند کې پرمختګ نه شي کولای ځکه چې د افغان ځواکونو نيمګړتياوې پوره شوې او په کافي ډول د هوايي ځواک مرسته هم ورسره کېږي.
خبریال: نعمت الله زهير
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ22 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی23 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري