Connect with us

تازه خبرونه

د کار قانون نه عملي کیږي – د کارګرو ملي ټولنه

خپور شوی

د

(Last Updated On: لړم ۳, ۱۴۰۱)

kar4

د کارګرو ملي ټولنه وایي، په ټولو دولتي او نادولتي ادارو کې د کار قانون تر پښو لاندې کیږي.

ټولنه وړاندیز کوي چې اړوند چارواکي باید د دغې ستونزې په حل کې لازم اقدامات وکړي.

د کارګرو ملي ټولنه د کار او ټولنیزو چارو وزارت نه غواړي چې د کار د قانون د تطبیق پر سر څارنه وکړي.

بلخوا د کار او ټولنیزو چارو وزارت مسولین وایي، په یوې نوې فقرې کار کوي چې په تطبیق سره به یې شته ستونزې حل شي.

د کارګرو ملي ټولنه وایي، په دولتي ادارو کې کارکونکي خپلو دندو ته په وخت نه حاضریږي او وختي وځي او په شخصي ادارو کې هم له کارکونکو سره سلیقوي چلند کیږي او د کارګرو روغتیایي او ټولنیزې بیمې او کوم حقوق چې باید کارګر ته په پام کې ونیول شي، نه ورکول کیږي.

ټولنه د کار او ټولنیزو چارو له وزارت غواړي چې د کار قانون پر تطبیق څارنه وکړي.

غلام علی بریال دکارګرو د ملي ټولنې مرستیال:

د کار قانون هم په دولتی او هم په خصوصی ادارو کې دکارکوونکو او هم د کار ګمارونکو له خوا تر پښو لاندي کیږي، دکار او ټو لنیزو چار وزارت باید له دې بهیر کلکه څارنه وکړي.”

د کار اوټولنیزو چار وزارت مسولین هم منې چې د کارګرو په وړا ندې ستونزې شته.

وزارت وایي، په خصوصي ادارو کې د کار قانون په زیاترو مواردو کې تر پښو لاندې کیږي؛ خو مسولین وایی، د ستونزې د حل لپاره یو لړ پروګرامونه تر لاس لاندې لري.

علي افتخاري د کار او ټو لنیزو چار وزارت ویاند:

په خصوصی ادارو کي د کا کوونکو حقوق ډیر تر پښو لاندی کیږي، هغوی ته تقاعد نه ورکول کیږي. مونږ سره خصوصی شرکتونو یوه هوکړه درلوده چی د تقاعد په بدل کی به دهر کال په وروستیو کې یوه میاشت تقاعد ورکوي چې تراوسه پورې دا کار نه دی شوی؛ خو مونږه په همدي اړه یوه مقرره ترتیب کړې او دوزیزا نو شوراته به يي وړاندي کړو.”

یو شمېر کابل ښاریان وایی، په هره اداره کې د اړیکو پالنه کیږي او که څوک پیژندګلوي ونه لري، د کار موندنې چانس ورته ډیر کم وي.

دوی وایي؛ هر د فتر ته چې لاړ شي، څوک نه پیژني او له همدې امله کار هم ورته نه پیدا کیږي؛ ځکه ټول کارونه په واسطو دي.

دوی زیاتوي چې د کارګر حقوق هیڅ خوندي نه دي.

د رسمي شمېرو له مخې، دا مهال په هېواد کې دولس میلیون کسان د کار په شرایطو برابر دي، چې څلور نیم میلیون یې وزګار دي او د هرې ورځې په تیرېدو سره دغه ستونزه لا پسې پراخیږي.

خبریال: اسلم حجاب

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!