Connect with us

تازه خبرونه

د ښار جوړونې وزارت د چارسمبالي پر وتلو بندیز ولګیده

خپور شوی

د

(Last Updated On: لړم ۳, ۱۴۰۱)

د ښارجوړونې وزارت چارسمبالی له واکه د ناوړه ګټې پورته کولو له کبله د لویې څارنوالۍ لخوا ممنوع الخروج اعلان شوی دی.

د لویې څارنوالۍ د مرستیال نور حبیب جلال لخوا د لاسلیک شوي مکتوب له مخې د ښار جوړونې وزارت سرپرست جوا پیکار ممنوع الخروج اعلان شوی دی.

د دغه مکتوب له مخې؛ پر پیکار تور پورې شوی دی، چې له واک څخه یې ناوړه ګټه پورته کړې او په ناقانونه توګه یې ځينې کسان پر دندو ګومارلي دي.

دغه راز لویې څارنوالۍ ته دنده سپارل شوې، چې په ترکیه کې د جواد پیکار د جایدادونو څېړنه هم وکړي.

ولسمشر هم په یوه فرمان کې له لویې څارنوالۍ غوښتي، چې د ښار جوړونې وزارت د چارسمبالي جواد پیکار مالي سرچینې او په ترکیه کې د هغه جایدادونه وڅېړي.

د ولسمشر ویاند صدیق صدیقي ویلي؛ د مکتوب لیږلو په اړه یې مونږ کوم رسمي نظر نلرو؛ خو په ټوله کې ولسمشر د دې ادارې او ځمکې د ادغام لپاره یو پلاوي ته دنده سپارلې وه او پلاوې د خپلو څېړنو پایله حکومت ته وړاندې کړه، چې حکومت یې په اړه پرېکړه وکړي. د پلاوي راپور ښيي، چې په دې وزارت کې ستونزې شته دی.  

لویه څارنوالي په دې اړه د معلوماتو له ورکولو ډډه کوي.

د ښارجوړونې او ځمکې وزارت ویاند حشمت الله ناصري ويلي، چې تر اوسه په رسمي توګه دوی ته دغه مکتوب ندی رااستول شوی.

حقوقپوهانو ويلي، چې د قانون له مخې د وزیرانو واکونه مشخص دي او که د قانون خلاف عمل کوي باید وپوښتل شي.

داسې اندېښنې هم شته، چې ګواکي لویه څارنوالي د لوړ پوړیو کسانو له دوسیو سره سیاسي چلند کوي؛ نو، ځکه ټينګار کوي، چې په عدلي او قضايي ارګانونو کې باید د بښنې له فرهنګه ډډه وکړي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!