Connect with us

1393ټاكنې

د ټاكنو خپلواك كميسيون: شونې نه ده چې دويم پړاو ټاكنې په خپل وخت سره تر سره شي

خپور شوی

د

(Last Updated On: لړم ۳, ۱۴۰۱)

1

د ټاكنو د خپلواك كميسيون رئيس احمد يوسف نورستانى وايي، كه څه هم دا د اساسي قانون خلاف كړنه ده، خو دوی د تخنيكي ستونزو له كبله اړ دي، چې دويم پړاو ټاكنې په ځنډ سره تر سره كړي.

د اساسي قانون له مخې، د ټاكنو خپلواك كميسيون مكلف دى، چې د وروستيو پايلو تر اعلام وروسته په دې صورت كې، چې ټاكنې دويم پړاو ته ولاړې شي، دا بهير دوو اوونيو كې تر سره كړي.

خو د ټاكنو د خپلواك كميسيون رئيس احمد یوسف نورستاني له آريانا نيوز سره خبرو كې ويلي، زيات اساسي او غېر اساسي مواد له منځه تللي او دوی نه شي كولاى ټاكنې په وخت سره تر سره كړي.

د ښاغلي نورستاني په وېنا، ممكن دويم پړاو ټاكنې د غبرګولي په ۲۴ تر سره شي.

نورستاني همدارنګه ووېل، د كميسيون د ځينو رئيسانو په ګډون د ځينو كاركوونكو ګوښه كول، ولايتونو او محلاتو ته د ټاكنيزو موادو لېږل او همدا راز د يو سلو لس زرو نويو كاركوونكو ګمارل هغه دلايل دي، چې ټاكنې ځنډنۍ كوي.

نورستاني مني، چې دا د اساسي قانون خلاف كړنه ده، خو ټينګار كوي، چې دا د دوی مجبوريت دى.

د ولسمشرۍ دوو مخكښو كانديدانو د ټاكنو د خپلواك كميسيون پر دې دريځ بېلابېل غبرګونونه ښودلي،

اشرف غني احمدزى وايي، كه دويم پړاو ټاكنې په ځنډ سره تر سره شي، دوی ور سره ستونزه نه لري، خو ډاكټر عبدالله عبدالله وايي، چې دويم پړاو ټاكنې بايد په خپل وخت سره تر سره شي.

Advertisement

1393ټاكنې

ازبکستان او افغانستان له نشه‌یي توکو سره د مبارزې پر همکارۍ ټینګار څرګند کړ

Published

on

(Last Updated On: وږی ۲۱, ۱۴۰۲)

د کورنیو چارو وزارت له نشه یي توکو سره د مبارزې معینیت ملکي مرستیال  عبدالرحمن قاسمي نن ( سې شنبه د وږي ۲۱)  د ازبکستان له سفیر سره په کابل کې  وکتل.

د کورنیو چارو وزارت د څرګندونو له مخې؛ په دې کتنه کې نوموړي په افغانستان کې د ازبکستان سفیر ته له نشه‌یي توکو سره د مبارزې پر څرنګوالي معلومات وړاندې کړل.

د کورنیو چارو وزارت اړوند چارواکو د ازبکستان له سفیره وغوښتل، چې د نشه‌یي توکو د له‌منځه وړلو په برخه کې له یاد معینیت سره همکاري وکړي.

د نشه یي توکو سره د مبارزې معینیت مسوولینو دغه راز، د ازبکستان له سفیر  یادګار خواجه شادمانوف څخه وغوښتل، چې له نشه‌یي توکو سره د مبارزې منسوبینو د ظرفیت لوړونې په برخه کې دې هم همکاري وکړي.

دغه راز دواړو لوریو د نورو مسایلو تر څنګ د نشه‌یي توکو په پروندو کې د بندیانو پر تبادلې هم هر اړخیزه خبرې کړې دي.

ویل کیږي، چې د ازبکستان سفیر یادګار خواجه شادمانوف د نظریاتو او وړاندیزونو له اوریدو وروسته په افغانستان کې د اسلامي امارت له هوډ او نشه‌یي توکو سره د مبارزې په برخه کې خوښي وښودله او مسوولینو ته یې د هر راز همکارۍ ډاډ څرګند کړ.

Continue Reading

د ۹۷ ټاکنې

انتخابات ۹۷: چالش‌های انتخاباتی ریاست جمهوری

Published

on

(Last Updated On: لړم ۳, ۱۴۰۱)

Continue Reading

1393ټاكنې

یو امریکایي څېړنیز مرکز د ۲۰۱۴ کال له ټاکنیزو درغلیو پرده پورته کړه

Published

on

(Last Updated On: لړم ۳, ۱۴۰۱)

د افغانستان د ستراتیژیکو مطالعاتو د مرکز تازه څېړنه وایي، چې د ۲۰۱۴ کال د ولسمشریزو ټاکنو په دوه یم پړاو کې د محمد اشرف غني بریالیتوب په روڼ ډول تر سره شوې نوی او د افغانستان پر ټاکنیز نظام د بیا کتنې او سمونونو غوښتنه کوي.

د ولسمشریزو ټاکنو په درشل کې د افغانستان د ستراتیژیکو مطالعاتو په تازه څېړنه کې د ۲۰۱۴ کال د ولسمشریزو ټاکنو په تړاو خبرې شوې دي.

امریکایي څېړونکی توماس جانسون د پېنځه کاله مخکې  ټاکنو په تړاو مهم معلومات تر لاسه کړي؛ که څه هم د ۲۰۱۴ کال د ولسمشریزو ټاکنو په لومړي پړاو کې هیڅ نوماند لازمې رایې تر لاسه نکړې، خو د ټاکنو په دوه یم پړاو کې د محمداشرف غني بریا قانوني نوه.

د دې څېړنې په یوه برخه کې ویل شوي؛ محمد اشرف غني د ټاکنو په دوه یم پړاو کې له هغو ساحو ډېرې رایې تر لاسه کړې، چې په لومړي پړاو کې یې کمې ګټلې وې. کابل یوه بېلګه ده، چې غني د ټاکنو په لومړي پړاو کې یودېرش سلنه رایې ګټلې وې؛ خو په دوه یم پړاو کې یې دوه پنځوس سلنه رایې

څېړونکي توماس جانسون دا هم څرګنده کړې، چې عبدالله عبدالله په لومړي پړاو ټاکنو کې بریالی و؛ خو په دوه یم پړاو کې یې د درې اعشاریه اووه سلنه رایو له توپیر سره د کابل اووه سلنه رایې له لاسه ورکړې، په یوه ولایت کې، چې وګړي یې د هر قوم دي او ګډ ژوند کوي، دا د نه باور وړ بدلون و. دې ته ورته مونږ نور شواهد هم لرو، چې ټاکنې له درغلیو سره مل وې.

په دې څېړنه کې ټینګار شوی، چې ټاکنیزو کمیسیونونو او د ټاکنو ناورین جوړونکیو پروګرامونو د دوه زره څوارلسم کال د ولسمشریزو ټاکنو په دوه یم پړاو کې پراخو درغلیو ته زمینه برابره کړه.

د ټاکنو خپلواک کمیسیون پخواني چارواکي د ملامتیا پیټی پر نړیواله ټولنه وراچوي.

د ټاکنو خپلواک کمیسیون د دارالانشا پخوانی رییس داوود علي نجفي زیاتوي؛ یوازني کس، چې مخالفت وکړ د امریکا سفیر و او دې کار ته یې د وخت پر نلرلو ټینګار وکړ.         

د دوه زره نولسم کال ولسمشریزو ټاکنو ته هم ځینې سپارښتنې کیږي، چې د درغلیو مخه باید ونیول شي.

د افغانستان د رڼو ټاکنو د څار بنسټ رییس نعیم ایوب زاده وایي: له ۲۰۱۴ څخه تر ۲۰۱۸ پورې درغلۍ، سرغړونې او تېروتنې ډېرې شوې دي.    

اوس سیاسي ګوندونه او ځینې څاروونکي بنسټونه  ټینګار کوي، چې د ټاکنو خپلواک کمیسیون  کمیشنران باید بدل شي.

ټاکنیزو بنسټونو کې سمونونه د ملي یووالي حکومت د جوړېدو د هوکړه لیک مهمه برخه وه، خو څاروونکي وایي، چې حکومتي مشرانو دې برخې ته پاملرنه نده کړې.

Continue Reading

Trending

Copyright © 2022 Ariana News. All rights reserved!