Connect with us

تازه خبرونه

د وارسا په غونډه کې به له افغانستان سره ډېرې همکارۍ وشي

خپور شوی

د

(Last Updated On: لړم ۲, ۱۴۰۱)

vlcsnap-2016-05-10-20h37m21s192

په کابل کې د امریکا سفیر وایي چې په وارسا غونډه کې به سږ کال له افغانستان سره د نړیوالې ټولنې همکاري تعریف شي.

دی وايي چې په دغه غونډه کې به نړۍ یو ځل بیا له افغانستان سره په اقتصادي، پرمختیايي او د ښځو د حقونو په برخه کې د همکاریو ژمنې تازه کړي.

په کابل کې د امریکا سفیر د پروموټ د پروګرام په ترڅ کې ټينګار وکړ چې په روان کال کې به نړۍ له افغانستان سره خپلې همکارۍ تازه کړي. ده وویل چې په وارسا او بروکسل کنفرانسونو کې به نړۍ په ځانګړې توګه د ښځو د حقونو د خوندیتوب او په نورو برخو کې خپلې ژمنې تازه کړي.

په کابل کې د امریکا سفیر مایکل مکنلي وايي:” سږ کال له افغانستان سره د نړۍ د همکاریو د تعریف کال دی. نړۍ یو ځل بیا له افغانستان خپلې ژمنې تازه کړي. په وارسا کنفرانس کې به په پرمختیايي مسایلو تم شو او په بروکسل کې به هم ژمنې تازه شي. په ځانګړې توګه د ښځو د حقونو مسئاله. “

د افغانستان د بشري حقونو د خپلواک کمیسیون مسولین وايي چې د پروموټ په نوم پرمختیايي پروګرام باید د افغان مېرمنو د وړتیاوو د لوړولو له پاره ګټور پرېوزي او یوازې د پروژې تر بریده پاتې نه شي.

د بشري حقونو د خپلواک کمیسیون رییسه سیما سمر وايي: “نه بايد چې يوازې يوه پروژه وي، تر ډېره دې عملی کارونو ته پام وشي نه بايد يوازې تجمل او پيسو لګولو په فکر کې و اوسو.”

اجرایه رييس عبدالله عبدالله وايي:” موږ د ښځو ستونزې اورېدلې دي د همدې ستونزو له مخې تصميم نيسو.”

پروموټ د امریکا یو پروګرام دی چې غواړي په افغانستان کې په بېلا بېلو برخو کې د ښځو وړتیاوې لوړې کړي. امریکا په دغه پروګرام دوه سوه میلیونه ډالره لګوي.

 

 

Advertisement

تازه خبرونه

د ازبکستان بشري مرستې بلخ ته راورسېدې

Published

on

(Last Updated On: غویی ۶, ۱۴۰۳)

نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.

د سیمه‌ییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخان‌دریا د والي له‌خوا د بلخ  چارسمبالي والي ته سپارل شوې ده.

د سرخان‌دریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.

په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.

کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.

Continue Reading

تازه خبرونه

په سیمه او هېواد کې امنیتي پېښې وارداتي دي – امیر خان متقي

Published

on

(Last Updated On: غویی ۶, ۱۴۰۳)

نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان‌-قزاق نندارتون د پرانیستې په مراسمو کې  د افغانستان او سیمې امنیتي پېښې وارداتي یادې کړې دي.

نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.

بل هېواد د هغې لارې پر سر پروت دی، چې امن خرابوونکي افراد ترې راتېریږي.

او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.

ویل کیږي، چې بد امني پر ګډه همکارۍ او همغږۍ له منځه وړل کیږي.

Continue Reading

تازه خبرونه

له اسلامي امارت سره  نړیوالې اړیکې ورځ تر بلې پراخیږي – ذبیح الله مجاهد

Published

on

(Last Updated On: غویی ۶, ۱۴۰۳)

د اسلامي امارت ویاند ذبیح الله مجاهد افغانستان ته د ګڼ‌شمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.

ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.

د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.

د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.

Continue Reading

Trending

Copyright © 2022 Ariana News. All rights reserved!