Connect with us

تازه خبرونه

د ننگرهار په کوټ ولسوالۍ کې داعش لسگونه کورونه سوځولي

خپور شوی

د

(Last Updated On: لړم ۲, ۱۴۰۱)

سخنگوی داعش کشته شد

د کوټ ولسوالۍ اوسیدونکيو په ډاګهکړې، چې د جگړو له کبله مو خپل کورونه پرېښي او داعش وسلوالو یې تېره ورځ کورونه لوټ کړي او سوځولي دي.

دوی ویلي، چې د جگړو له کبله یې خپل کورونه پرېښي او په خپل ولايت کې يې د ژوندکولو لپاره خيمې درولي دي.

د دوی په وینا؛ داعش وسلوالو د دوی کورونه سوځولي؛ خو حکومت يې هېڅ مرسته نه ده کړې.

په ننګرهار کې چار واکي وايي، داعش ډلې د ملکي خلکو لسګونه کورونه سوځولي دي.

د ملکي خلکو ګڼې مېنې او کورونه، چې څو میاشتې وړاندې ترې د سختو جګړو له امله اوسیدونکي کوچیدلي وه تېره ورځ د ځايي خلکو په وینا داعش وسلوالوسوځولي دي.

د کوټ یو قومي مشر ملک احمد زی وايي، د سې پای په سیمه کې شاوخوا دوه سوه کورونه او په کې پاتې توکي سوځول شوي دي.

د کوټ ولسوال د کورونو د سوځیدو پخلی کوي؛خو شمېر يې هومره ډېر نه ښيي.

د کوټ ولسوال سید رحمان، وايي، دغه کورونه د حکومت له ولکې په وتلې سیمه کې سوځول شوي دي.

دا پېښه په داسې حال کې رامنځته شوې، چې تېره ورځ د غني خېلو ولسوالۍ په ۲۷مه وياله کې امنيتي ځواکونو په يوه چاپه کې اووه کسان وژلي او يو شمېر نور يې ټپيان کړي دي.

داعش د ۲۰۱۴ کال په پای کې د هېواد له ختيځ  ننگرهاره سشر راپوزرته کړ؛ په لومړيو وختونو کې يې گڼې سيمې لاندې کړې، چې ډېري غړي یې پخواني مجاهدین دي.

ځینو سرچینو په ډاګه کړې؛ له تېرو دوه کلونو راهيسې امريکا او افغان حکومت پر داعش دوه سوه بريدونه کړي، چې په کې د دې ډلې پر سلګونه غړیو برسېره د داعش سیمه ییز مشر حافظ سعید او د ده ویاند شاهدالله شاهد هم وژل شوي دي.

په دغو بريدونو کې افغانستان لپاره د داعش مشر حافظ سعيد خان، د دغې ډلې وياند شاهدالله شاهد او يو شمېر نور غړي وژل شوي دي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!