Connect with us

تازه خبرونه

د ننګرهار په ښیوه کې یو زورواکي دوه خویندې په نکاح کړي

خپور شوی

د

(Last Updated On: لړم ۲, ۱۴۰۱)

vlcsnap-2016-12-15-16h34m02s103

هغه ښځه د عدالت غوښتنه لري؛ چې میړه یې د نکاح پر شپه په دې پلمه بدمامه کړې، چې باکره نه وه، له کوره شړلې او د هغې له وړې خور سره یې نکاح کړې ده.

صایمه نومې، چې په ننګرهار کې اوس ژوند کوي وایي، میړه یې د نکاح په لومړۍ شپه پرهغې د بدنامۍ تور ولګاوه او په همدې شپه یې کوچنۍ خور کور ته بوتله او ور سره یې نکاح وکړه.

صایمه هغه ښځه ده، چې دوه میاشتې مخکې یې د یوه سیمه ییز زورواکي له کس سره په ننګرهار کې واده وکړ؛ خو د نکاح په اوله شپه پر هغې د میړه لخوا د بدنامي تور ولګول شو.

 میړه یې د پلار کور ته ورغی او د هغې وړه خور یې له ځان سره کور ته بوتله او له هغې سره یې هم نکاح وکړه.

هغه وایي؛ د عدلي طب معاینات ښیي، چې تر واده مخکې  هغه باکره وه.

دیني عالمان دغه کار د دیني ارشاداتو خلاف عمل بولي او وایي، چې دا ډول پېښې په ننګرهار کې تازه والی نه لري او باید عدلي او قضایي بنسټونه دغه دوسیه وڅېړي.

د ننګرهار د ښځو چارو رییسه انیسه عمراني وايي، دا ظلم بشپړه څېړنه غواړي، چې ولې له دوه خویندو سره پرته له دې، چې یوه تلاقه شوې وي نکاح تړل کیږي.  

د ننګرهار ولایت سرپرست د پېښې د یاد اړخ له نوم یادونو ډډه کوي او وایي، چې پېښه دې سمه وڅېړل شي.        

د ننګرهار والي ویاند عطالله خوږیاڼی دغه خبر په داسې حال کې تائیدوي، چې د قضیې اړوند یې د دوه کسو له نیولو خبر ورکړی او زیاتوي، چې ۱۱ نور د نیولو په موخه تر تعقیب لاندې دي.

د افغانستان د بشر حقونو خپلواک کمیسیون اجرائیه رییس محمد موسی محمودي دا کړنه ناقانونه او له بشري حقونو ښکاره سرغړاوی بولي او غواړي، چې د پیښې عامل دې وپوښتل شي.

صایمه اوس د ننګرهار ولایت په امن کور کې ژوند کوي.

خبریال: رحمت الله زیارمل

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټرۍ ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه وه.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!