تازه خبرونه
د نفتي توکو تصدۍ له دوو کلونو را هیسې خپل عواید نه دي ورکړي
د مالیې وزارت وایي، د نفتي توکو تصدۍ ورته له دوو کلونو را هیسې خپل عواید نه دي ورکړي.
د دغه وزارت د مسولینو په وینا، دغه بنسټ ته اجازه ورکړل شوې څو له خپلو عوایدو د نفتي توکو د ذخایرو په جوړښت کې ګټه واخلي.
خو د سوداګرۍ او صنایعو وزارت بیا دا څرګندونې ردوي او وایي، سره له دې چې د نفتي توکو تصدۍ له خپلو عوایدو څخه خپلې اړتیاوي پوره کوي؛ هر کال د ماليي وزارت ته خپله ټاکل شوې مالیه هم په وخت سپاري.
د مالیې وزارت وایي، مالیه ځکه نه ورکول کیږي چې دغه بنسټ ته د ظرفیتونو د لوړولو لپاره اجازه ورکړل شوې څو خلکو ته ښه خدمتونه وړاندې او مارکیټ کې د سالم رقابت لپاره جوګه شي.
د ماليي وزارت ویاند عبدالقادر جیلاني:
“دوه کاله کیږی چي موږ ته يي مالیه نه دې راکړی. مونږه يي هم غواړو تر څو دغه تصدي خپل ظرفیتونه لوړ کړي او خلکو ته ښه خد متونه وړاندې کړی. ټاکل شوې وه چي موږ دوی ته ۴۵ میلون ډالر ورکړو؛ خو نه مو درلودي، نو ځکه مو دوی ته دا چانس ورکړ تر څو دوی له خپلو عوایدو څخه کار واخلي.“
خو د سوداګرۍ او صنایعو وزارت دا خبرې ردوي او وایي، د نفتي توکو تصدۍ هر کال د مالیې وزارت ته د شاوخوا سل ملیون افغانیو په اندازه مالیه ورکوي او د دې تر څنګ یې د ۱۶۸۰۰ ټنه نفتو د ذخیرې لپاره د هېواد په کچه ذخایر جوړ کړي دي.
د سوداګرۍ او صنایعو وزارت ویاند مسافر قوقندي:
“دولسمشر د فرمان له مخي باید دنفتي توکو تصدي خپل عوایدو څخه د ذخایرو په جوړښت کې مصرف کړی؛ خو له دې ټولو سره بیا هم د نفتي توکو تصدي خپله مالیه هم ورکړې ده.“
د مالیې وزارت باوري دی چې دولتي تصدۍ د اقتصاد په وده کې زیات رول لري، له همدې امله ددوي په وینا، دولت هڅه کوي چې د تصدیو ظرفیتونه لوړ کړي، څو په راتلونکي کې له تصدیو زیات عواید تر لاسه کړي.
خبریال: اسلم حجاب
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ