Connect with us

تازه خبرونه

د م.م.ا شورا اته کسیز پلاوي پرحزب اسلامي د لګیدلو بندیزونو د لیرې کولو په اړه د همکارۍ ډاډ څرګند کړ

خپور شوی

د

(Last Updated On: لړم ۲, ۱۴۰۱)

10622937_1215917328472938_2230070954825074741_n

د افغانستان د اسلامي جمهوریت د ملي امنیت شورا خبر ورکوي، چې د دې شورا سلاکار د یکشنبې پر ورځ د خپل کار په دفتر کې د ملګرو ملتونو امنیت شورا د تعزیراتو کمیتې له اته کسیز پلاوي سره وکتل.

په خبر پاڼه کې یادون شوې، چې د افغانستان د اسلامي جمهوریت د ملي امنیت سلاکار محمد حنیف اتمر، د ملګرو ملتونو امنیت شورا د بندیزونو کمیتې پلاوي ته د هرکلي ترڅنګ، د افغانستان د اسلامي جمهوریت او حزب اسلامي افغانستان ترمنځ د سولې کامیابو مذاکراتو ته په نغوته کې وویل، چې افغانانو د جرګو او مرکو د لوړ فرهنګ له مخې یو ځل بیا ثابته کړه، چې له ټولو متخاصمو ډلو سره د سولې لپاره خپلمنځي مذاکرات د بریالیتوب اصلي لار ده.

خبر پاڼه په ډاګه کوي، چې افغان دولت به د ملګرو ملتونو امنیت شورا د بندیزونو کمیتې له نوملړ څخه د حزب اسلامي افغانستان د رهبرۍ د ایستلو په اړه، دې کمیتې ته ډېر ژر مفصل غوښتلیک هم ولېږي.

دغه راز له دې کمیتې غوښتنه شوې؛ د طالبانو د هغو مشرانو نومونه دې د بندیزونو په لست کې اضافه او شتمنۍ کنګل کړي، چې د افغانستان د خلکو پر وړاندې د تروریستي او ورانوونکیو اعمالو پر دوام باور لري او د سولې خبرو ته نه حاضرېږي.

په خبرپاڼه کې راغلي؛ د ملګرو ملتونو امنیت شورا د بندیزونو کمیتې پلاوي، چې مشري یې د دې کمیتې رییس او په ملګرو ملتونو کې د نیوزیلیند دایمي استازي  ګیرید وین بوهمیمین لرله، د افغانستان د اسلامي جمهوري دولت او حزب اسلامي افغانستان ترمنځ د سولې د هوکړې د لاسلیک یېدو هرکلی وکړ او د دې هوکړې د پلي کولو لپاره یې له خپله اړخه د پوره همکارۍ او چمتووالي خبر ورکړ.

همدا راز زیاته وي، چې د ملګرو ملتونو امنیت شورا د تعزیراتو کمیته به، د بندیزونو له فهرست څخه د حزب اسلامي افغانستان د رهبرۍ د ایستلو په اړه پوره غور او همکاري وکړي.

د غه کمیټه په افغانستان کې د سولې د تامین لپاره، د افغان دولت له پالیسۍ ملاتړ کوي او د بندیزونو په لست کې د هغو طالب مشرانو د زیاتولو په اړه، چې د افغانستان د خلکو پر وړاندې تروریستي کړنو ته دوام ورکوي، غور او همکاري هم وکړي.

دیادونې وړ ده، چې د بندیزونو د لیرې کولو لپاره باید  د م.م د امنیت شورا ۱۵ دایمي غړي پرېکړه وکړي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!