Connect with us

تازه خبرونه

د مونیخ کنفرانس د پاکستان د منزوي کولو لپاره ښه فرصت دی

خپور شوی

د

(Last Updated On: لړم ۲, ۱۴۰۱)

2

سیاسي کارپوهان وایي، چې د مونیخ نړیوال امنیتي کنفرانس د پاکستان د منزوي کولو لپاره ښه فرصت دی.

د مونیخ دريپنځوسم نړیوال کنفرانس دا ځل په نړۍ کې پر ترهګریزو پېښو او له دې پېښو سره د ټینګار پر څرنګوالي را ټول دی.

افغان حکومت هیله من دی، چې دا غونډه به نړیوال په ترهګرۍ خلاف مبارزه کې همکاریو ته نږدې کړي.

سیاسي شونکی محمد اسحاق اتمر دغه غونډه د نورو پوځي مرستو د تر لاسه کولو او امنیتي ځواکونو د پیاوړتیا لپاره مناسب وخت ګڼي.

هغه وایي، چې ولسمشر دې هغه سندونه نړیوالو ته ښکاره کړي، چې ښیي ترهګر د پاکستان له خاورې  په افغانستان کې ترهګریز بریدونه کوي او هم یې پلانوي.

د نوموړي په وینا؛ په افغانستان کې روان جنګ کورنۍ جګړه نه ده؛ دا د هغو ترورستانو جګړه ده، چې اروپا، مرکزي آسیا او ان نړۍ ګواښي.

نوموړي زیاته کړې؛ ولسمشر دې د دغې ناستې غړي قانع کړي، چې د دوی مرسته د تروریزم په وړاندې باید روانه وساتل شي او په بشپړ ډاډ افغان ځواکونه د ترهګرو په وړاندې پیاوړي کړي.

د نړیوالو چارو کارپوه ادریس ستانکزی وایي، چې ولسمشر دې په دې غونډه کې د افغانستان په وړاندې د پاکستان  ناوړه کړنې بربنډې کړي.

د نوموړي د خبرو له مخې؛ که مونږ د غونډې ګډونوال قانع کړل؛ نو کیدی شي د امریکا سیاست هم د خپل هېواد پر لوري را وڅرخوو او پاکستان اړ شي، چې د ترهګرو له روزنې او ملاتړ لاس واخلي.

سیاسي کارپوه شکیب منتظري بیا د دې غونډې پایلو ته چندان هیله من نه دي.

هغه وایي، د امتیازاتو د تر لاسه کولو لپاره باید ملاتړ کوونکي هېوادونه قانع شي. تر هغې ، چې افغانستان د نړۍ غوښتنې بشپړې نه کړي؛ له ورته ناستو به څه لاسته راوړنه ولري.

د آلمان د مونیخ دې دريپنځوسم  امنیتي کنفرانس ته ولسمشر غني وینا کوي.

ولسمشرۍ ماڼۍ وایي، چې ولسمشر به د ترهګرۍ د پنځمې څپې د خطرونو په تړاو نړیوالو ته خبرداری ورکړي او دوی ته به ووایي، چې اوس هم په افغانستان کې میشت ترهګر سیمه او نړۍ ګواښي او اړتیا ده، چې نړیوال له دې پدیدې سره په مقابله کې د افغانستان لاس نیوی وکړي.

خبریاله : لیدا نیازۍ

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!