Connect with us

تازه خبرونه

د ملي دفاع وزارت د مرستیالې په توګه د منیرې ټاکنې غبرګونونه راپارولي

خپور شوی

د

(Last Updated On: لړم ۳, ۱۴۰۱)

د ملي دفاع وزارت د مرستیالې په توګه د منیرې یوسف زاده ټاکل کیدو ته خلکو او د نظر خاوندانو غبرګونونه په ډاګه کړي دي.

منیرې یوسف زاده د ولسمشر د دفتر د کلتوري او ټولنیزو پروګرامونو مسوولیت تر سره کاوه او اوس یې د یوې میرمنې په توګه د لومړي ځل لپاره د افغانستان د ملي دفاع وزارت د مرستیالې لپاره اوږه وړاندې کړې ده.

د هغې ټاکنې ته خلکو بېلا بېل غبرګونونه ښودلي او وایي، چې د هغې ټاکنه یو خام کار دی.

پوځي تحلیلګر عتیق الله امرخېل وایي: دغه مقام ته باید هغه افراد او اشخاص، چې پوهه، زړورتیا او ډاډمنتیا ولري او د لاس لاندې خلک ترې ملاتړ وکړي؛ غوره شي بیا یې، نو بریا پر برخه ده.             

یو شمېر عادي افغانان هم وايي، چې په ملي دفاع وزارت کې د منیرې یوسف زاده ټاکنه مسلکي کار ندی.

د کابل اوسیدونکی شکرالله وایي، چې د دفاع وزارت دنده دفاع ده؛ خو کله، چې یو څوک ونه پوهیږي اړینه ده، چې په هغه هېواد کې به ناورینونه رامنځته کیږي.   

د کابل یو بل اوسیدونکی توریالی وایي؛ باید داسې خلک وګومارل شي، چې مسلکي(څانګوال) وي او په اړوند برخه کې د تجربې لرونکي وي.     

د ملي دفاع وزارت مسوولین په دې اړه څه نه وايي؛ خو ارګ وايي، چې دغه ټاکنه یې د جنرالانو لخوا د دنګو ماڼيو د جوړولو د مخنیوي لپاره کړې ده.

د ولسمشر د ویاند مرستیال شاه حسن مرتضوي په فیسبوک پاڼه کې لیکلي: قضاوت باید عادلانه وي، دا ټاکنه د جنرالانو لخوا د دنګو ماڼیو د جوړولو د مخنیوي لپاره شوې ده.

دغه راز د ولسمشر د دوه یم مرستیال سروردانش د رسنیو دفتر هم دغه ګام ستایلی او څرګنده کړې یې ده، چې په هېواد کې په لومړي ځل یوې میرمنې دغې درنې دندې ته اوږه ورکړې ده.

تېر کال د کورنیو چارو وزارت د معاونیت پر پوست د حسنا جلیل د ټاکل کیدو په اړه هم ورته غبرګونونه راڅرګند شول؛ خو هغې تر دې دمه خپل اړوند کار روان ساتلی دی.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!