Connect with us

تازه خبرونه

د سولې په نوم دې عدالت نه تر پښو لاندې کېږي- بشري حقونه

خپور شوی

د

(Last Updated On: لړم ۲, ۱۴۰۱)

vlcsnap-2016-09-25-18h26m18s173

د بشري حقونو خپلواک کمیسیون څرګندوي چې د سولې په پلمه نه باید عدالت له پامه وغورځول شي.

د دغه کمیسیون چارواکيوايي چې د حزب اسلامي رهبر ګلبدین حکمتیار غواړي له ملت څخه بښنه وغواړي. په همدې حال کې د بشري حقونو خپلواک کمیسیون وايي چې لاهم د پولیسو او ملي امنیت په زندانونو کې د بندیانو ځورونه روانه ده. د کورنیو چارو وزارت بیا د بشري حقونو د خپلواک کمیسیون دغه ادعا رودي.

د بشري حقونو خپلواک کمیسیون د جنګي مجرمینو د بښل کېدو او یا هم هېرولو په هکله وروسته له هغه اندېښنه څرګنده کړه چې د ګلبدین حکمتيار په رهبرۍ د حزب اسلامي ډلې له حکومت سره د سولې هوکړه لیک لاسلیک کړ.

د بشري حقونو د خپلواک کمیسیون ريیسه سیما سمر وايي: “د بنده حق نه بښل کېږي، جنګي جرمونه د بشر ضد کړنې نه دي او هغه کسان چې يوازې حق العبد لري، بايد چې يوې عادلانه محکمې له لوري يې پرېکړه وشي.”

د بشري حقونو د خپلواک کمیسیون مسولین زياتويچې د خپلو شپږ میاشتنیو څېړنو په لړ کې یې موندليچې د ملي امنیت او پولیسو په زندانونو کې شااوخوا دېرش زره کسان په بېلابېلو جرمونو بندیان شوي دي، خو کمیسیون مدافع وکیلانو ته د زندانیانو د نه لاسرسي او د هغوی د ځورونو په هکله اندېښنه وښوده. کندهار، هرات او غور هغه ولایتونه دي چې د بشري حقونو د خپلواک کمیسیون د رپوټ له مخې زندانیان پکې ډېر ځورول کېږي.

سيماسمر زياتوي: “سره له دې چې نظر تېرو کلونو ته شکنجه کمه شوې ده خو تر اوسه هم د ملي امنيت ځواکونه او پوليس هغه کسان چې خپلواکي ترې اخيستل شوې له ډولډول شکنجو سره مخ دي او په دې اړه تر اوسه هېڅوک هم نه دي مجازات شوي.”

له بلې خوا بيا د ملي امنیت او پولیسو سرچینې د زندانیانو ځورول ردوي.

 د کورنیو چارو وزارت د ویاند مرستیال: نجیب‌الله دانشوايي:”موږ ته دا راپور د منلو وړ نه دی او تر اوسه پورې د شکنجې په اړه کوم راپور نشته او څوک داسې کوم کار وکړي جزا ورکول کېږي.”

د بشري حقونو د خپلواک کمیسیون مسولین وايي چې د جګړې او نا امینو له کبله د خلکو او په ځانګړې توګه د ښځو او ماشومانو ژوند سخت شوی دی.

Advertisement

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!