سیمه ییز خبرونه
د ترهگرۍ په وړاندې عملي اقدام د افغانستان او پاكستان په گټه دى
افغان ولسمشرد تركيې په انقره كې د افغانستان، پاكستان او تركيې په درې اړخيزه ناسته كې هيله من شوى، چې:
د ترهگرۍ په وړاندې به له پاكستان سره د گډې مبارزې عملي پايلې تر لاسه كړو.
د پاكستان ولسمشر وايي:
اسلام آباد په وضعه پوهيږي او هڅه كوي، چې له تركيې سره په گډو هڅو كې مخ په وړاندې لاړ شي.
د تركيې ولسمشر د سيمې د ستونزې په حل كې د افغانستان او پاكستان پر گډ كار ټينگار كړى.
د ترهگرۍ په وړاندې مبارزه كې عملي گامونه او د خبرو ميز ته د طالبانو را كاږل د دې ناستې ټوليزې څرگندونې دي.
د پاكستان په خاوره كې د ترهگرو د خوندي پټنځايونو شتون او له دې ځايه د ترهگرو كړنو تنظيمول په تېرو څو كلونو كې د افغان دولت يوه لويه اندېښنه وه، چې پاى ته رسيدل يې د پاكستان عملي همكارۍ ته اړتيا لري.
پرپاكستان توردى، چې د افغانستان د ملي امنيت پر رييس او د سولې عالي شورا پر پخواني رييس بريدونه له كوټې څخه تنظيم شوي او ولسمشر حامد كرزي له پاكستان څخه غوښتي، چې د دغو تورونو سپيناوى وكړي.
په انقره كې د افغانستان، پاكستان او تركيې په اوومه درې اړخيزه ناسته كې ډېر د ترهگرۍ په وړاندې د ژمنو پر عملي كولو ټينگار شوى دى.
افغان ولسمشر حامد كرزي په ډاگه كړې، چې:
موږ د افغانستان او پاكستان په گټه اود ډاډ منتيا د رامنځ ته كولو په موخه د عملي اقداماتو او په تېر وخت كې د شويو ژمنو د عملي كولو په اړه په بېلابېلو لارو چارو خبرې وكړې.
اسلام آباد په تېرو څو مياشتو كې په خپل سياست كې د افغانستان په اړه نرموالى راوستى، چې د ترهگرۍ په وړاندې مبارزه كې د پاكستان د ژمنتيا نښې بلل كيږي.
ولسمشر حامد كرزي ډاډ څرگند كړى، چې:
د افراطيت او تندلاريتوب په وړاندې مبارزه به پايلې ته ورسيږي؛ ځكه، چې د دواړو هېوادونو خلك له خطر، گواښ او نورو ستونزو سره مخ نه شي.
د ترهگرۍ په وړاندې مبارزه هغه څه دي، چې د پاكستان ولسمشرهم ورته نغوته كړې.
د پاكستان ولسمشر آصف علي زرداري څرگنده كړې، چې:
نړۍ غواړي له موږ سره مرسته وكړي؛ خو نه پوهيږي، چې څنگه؟ موږ مشورې جدي نيولې، موږ د تركيې مشورې هم تل جدي نيولي او موږ په دې مشوره له دې پرته، چې څه مو په وړاندې رامنځ ته كيږي مخكې ځو. موږ په ټولو مسايلو پوهيږو، موږ په دې حقيقت پوه يو، چې موږ دوى ته زيان رسوو له همدې امله دوى زموږ په وړاندې ځواكمن بريد كوي.
په دې خبري ناسته كې د تركيې ولسمشرعبدالله گل وويل، چې دواړه لوري افغانستان او پاكستان يو ځل بيا يو پربل باور وكړ او درې واړه هېوادونه غواړي په گډه پرې كار وكړي.
سیمه ییز خبرونه
د ایران او پاکستان د ګازنللیکې له غځولو ملاتړ نکوو – امریکا
د امریکا د بهرنیو چارو وزارت د سې شنبې پر ورځ ( د وري اوومه) ویلي، چې د ایران او پاکستان د ګازنللیکې له غځولو ملاتړ نکوي او له تهران سره، چې د واشنګټن د بندیزونو له خطر سره مخ دی؛ د سوداګرۍ پر نکولو ټینګار څرګنوي.
د رویټرز خبري اژانس د راپور له مخې؛ د ایران او پاکستان د ګازنللیکه، چې د سولې نللیکه یادېږي.
دغه راز دا نللیکه د تهران او اسلامآباد ترمنځ یوه اوږدمهاله پروژه ده، چې له تېرو څو کلونو راپدیخوا څو ځلې ځنډول شوې او مالي چارې یې له ستونزو سره مخ شوې دي.
دا نللیکه له ایران څخه پاکستان ته، چې ختیځ ګاونډ یې دی؛ طبیعي ګاز لېږدوي.
ایران او پاکستان تېر اوړي دا پېنځه کلن سوداګریز پلان لاسلیک کړ او هوکړه وشوه، چې خپله دوه اړخیزه سوداګري به پېنځه میلیارډ ډالرو ته لوړه کړي.
په دې وروستیو ورځو کې د تهران پر وړاندې د واشنګټن د بندیزونو په اړه د اسلامآباد په تګلاره کې له پاکستانيو چارواکو متضادې څرګندونې اورېدل کېږي.
د پاکستان بهرنیو چارو وزارت ویاندې ممتاز زهرا بلوچ ویلي؛ د پاکستان حکومت له ایران څخه د طبیعي ګازو د واردولو د نللیکې د جوړولو لپاره د امریکا له بندیزونو او اجازې څخه معافیت ته اړتیا نلري.
دغه راز د پاکستان د تېلو وزیر مصدق ملک ټینګار کړی، چې هېواد یې د امریکا له بندیزونو څخه د معافیت په لټه کې دی.
د امریکا بهرنیو چارو وزارت یوه ویاند د سې شنبې پر ورځ په یو خبري کنفرانس کې ویلي: مونږ تل ټولو ته دا مشوره ورکوو، چې له ایران سره سوداګري زمونږ د بندیزونو خطر لري او مونږ له ټولو غوښتي، چې د دې مسلې ټولو اړخونو ته پوره پاملرنه ولري.
له دې مخکې د جنوبي او منځنۍ آسیا په چارو کې د امریکا بهرنیو چارو وزارت مرستیال ډونالډ لو ویلي وه، چې اسلامآباد له ایران سره د ګازو د سوداګرۍ د ترسره کولو لپاره له بندیزونو د معافیت غوښتنه نده کړې او واشنګټن یې ملاتړ نکوي.
تېره میاشت د پاکستان چارسمبالي حکومت د دې نللیکې د ۸۰ کیلومټره برخې د جوړولو منظوري ورکړه، چې تر ډېره حده یې د ۷ میلیارډ ډالرو په پروژه کې د کلونو ځنډونو له کبله ایران ته د میلیاردونو جریمې د ورکولو مخه ونیوله.
ایران او پاکستان د ۲۰۰۹ کال په جون کې د ګازو د پېر او پلور تړون لاسلیک کړ، چې د نللیکې لپاره به د ایران له جنوبي پارس څخه پاکستان ته هره ورځ له ۷۵۰ میلیون څخه تر ۱ میلیارډ مټر مکعب ګاز صادروي.
ایران ادعا کوي، چې تر ۲۰۱۱ کال پورې یې له خپلې غاړې د ۹۰۰ کیلومټره نللیکې د غځولو چارې بشپړې کړي؛ خو د پاکستان له لوري یې د جوړولو کار ندی پیل شوی.
په تېرو کلونو کې ایران څو ځلې پاکستان ته ګواښ کړی، چې د نړیوال منځګړتوب او له تړون څخه د سرغړونې له کبله به ۱۸ میلیارډ ډالره جریمه شي.
د یادونې ده، چې تهران د اټومي پروګرام له کبله له تېرې یوې لسیزې راپدیخوا د واشنګټن تر بندیزونو لاندې دی.
سیمه ییز خبرونه
د مسکو د برید تر شا امریکا، بریټانیا او اوکراین لاس لري – FSB
د روسیې د فډرالي امنیتي خدماتو (FSB) رییس الکساندر بورتنیکوف د سې شنبې پر ورځ څرګنده کړې؛ امریکا، بریټانیا او اوکراین د مسکو د وسلهوال برید تر شا لاس لري، چې په کې لږ تر لږه ۱۳۹ کسان ووژل شول.
اوکراین په دې برید کې، چې پړه یې داعش وسلهوالې ډلې منلې؛ د روسیې تورونه رد کړي دي.
رویټرز راپور ورکړی، چې لویدیځو هېوادونو ویلي؛ د دوی استخباراتي څرګندونې ښیي، چې د داعش افغان څانګه د برید مسووله ده.
روسیې د شنبې پر ورځ ویلي، چې مسکو ته نږدې یې د کنسرت په یوه تالار کې يې پر ډزو او وژنې تورن ټول څلور وسلهوال نیولي دي.
داعش د جمعې د ورځې د وسلوال برید پړه پر غاړه واخیسته؛ خو داسې نښې نښانې شته، چې روسیه یې له اوکراین سره اړیکې څاري. په داسې حال کې، چې اوکرایني چارواکې په کې لاس لرل ردوي.
د مسکو والي اندرې وروبیوف ویلي؛ په ۲۴ ساعتونو کې له کنډوالو څخه ۱۳۳ جسدونه را ایستل شوي او ډاکټران د ۱۰۷ کسانو د ژغورنې لپاره مبارزه کوي.
د دولتي ټلویزیون مدیره مارګریتا سیمونیان پرته له دې، چې سرچینې ته نغوته وکړي؛ د ځاني زیان شمېر ۱۴۳ ښودلی و.
پوتین په یوه ټلویزیوني وینا کې ویلي، چې د څلورو وسلهوالو په ګډون ۱۱ کسان نیول شوي دي.
نوموړی وایي: هغوی د پټېدو هڅه وکړه او اوکراین ته پر لاره ول او د لومړنیو معلوماتو له مخې د اوکراین له لوري د دوی لپاره یوه لار چمتو شوې وه، چې د دولت له پولې تېر شي.
د روسيې د FSB ادارې ويلي، وسلهوالو له اوکراين سره اړيکې درلودې او له پولې سره نږدې نيول شوي دي. د رویټرز د راپور له مخې؛ دوی مسکو ته لېږدول شوي دي.
له دې مخکې د روسیې بهرنیو چارو وزارت ویاندې ماریا زخاروا ویلي وه، چې داعش د امریکا پر دښمنانو برید کوي.
سیمه ییز خبرونه
په بلوچستان کې د پاکستان د بحري ځواک پر هوايي اډه وسلوال برید وشو
د پاکستان د بلوچستان ایالت په تربت ښار کې د پاکستان د بحري ځواکونو پر هوایي ډګر ډلهییز وسلهوال برید شوی دی.
د پاکستان سیمهییزو رسنیو د پاکستان د اړوند چارواکو د څرګندونو له مخې په ډاګه کړې؛ امنیتي ځواکونو د دوشنبې پر شپه د بلوچستان ایالت د بحري ځواکونو په یوه هوايي اډه کې شپږ وسلوال وژلي دي.
ډان ورځپاڼې د مکران د کمشنر سعید احمد عمراني د څرګندونو له مخې ویلي، چې د تربت هوايي ډګر په شاوخوا کې د ډزو او درندو چاودنو راپورونه ورکړ شوي دي.
نوموړي ویلي: وسلهوالو پر هوايي ډګر له درې خواوو څخه بريد وکړ؛ خو امنيتي ځواکونو سمدستي ځواب ورکړ او د هغوى د ورننوتلو هڅه يې شنډ کړه.
نوموړي د مرګ او ژوبلې په اړه کره شمېر څرګند نکړ؛ خو وایي، چې تر دې دمه د سیمې روغتون ته کوم مړى او ټپي ندى رسېدلى.
پي این ایس صدیقي، چې د پاکستان تر ټولو لویه بحري هوايي اډه ده؛ د برید موخه وه.
امنیتي چارواکو د دوشنبې پر شپه ویلي، د تربت هوايي ډګر له پولې بهر “شپږ ترهګر وژل شوي”، چې ورسره د اډې امنیت ډاډمن شوی دی.
هغه زیاته کړې: د حساسو بحري تاسیساتو د زیان راپور هم نلرو.
د سیمې خلکو ویلي؛ په تربت ښارګوټي کې د ۱۲ چاودنو غږونه اورېدل شوي او ډزې، چې د شپې له شاوخوا لس بجو پیل شوې د شپې تر ناوخته روانې وې.
د بلوچستان ازادي غوښتونکي اردو د دې برید پړه منلې ده.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه5 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه3 days ago
په بلوچستان کې د پاکستان د بحري ځواک پر هوايي اډه وسلوال برید وشو