تازه خبرونه
د بهرنيو چارو وزارت د ستوري ماڼۍ پرانستل شوه
د دوشنبې په ورځ (د وږي لومړۍ ۱۳۹۵ل ) له غرمې مخکې د بهرنيو چارو وزارت ستوري ماڼۍله بیا رغونې وروسته د ولسمشر په پرانستونکې وینا پرانستل شوه.
افغان ولسمشر اشرف غني په دې ناسته کې یو ځل بیا له هند څخه مننه وکړه، چې د ستوري ماڼې په بیا جوړونه کې یې له افغانستان سره مرسته وکړه.
افغان ولسمشر همدا راز د دواړو هېوادونو پر رغنده اړیکو ټینګار وکړ او په ډاګه یې کړه، چې هند د افغانستان په آبادۍ، رغونې او هر اړخیز ملاتړ کې د ډاډ وړ ګامونه پورته کړي دي.
د هند صدراعظم نریندرا مودي هم دغې پرانستونکې ناستې ته ویدیوي وینا وکړه او د افغانستان د ودې او پراختیا په اړه یې د نورو ډاډمنو مرستو د تر سره کولو ډاډ څرګند کړ.
د افغانستان د بهرنیو چارو وزیر صلاح الدین رباني د دغې ناستې ګډونوالو ته وویل، دغه مانۍ يوه پېړۍ وړاندې د امیر حبیب الله خان سراج په پېر کې جوړه شوې، چې د وخت د دیپلوماسۍ له ډېرو ناخوالو سره مخ شوې وه.
د نوموړي په وینا؛ د ستوري ماڼې، د سلما بند او د ملي شورا ودانۍ په څیر د هند د نیک نیت څرګندویي کوي.
د بهرنيو چارو وزارت د ستوري ماڼۍ د بيارغونې او مالي ملاتړهوکړه د ۱۳۹۱ ل کال د چنګاښ په ۱۲ په کابل کې دهغه وخت د بهرنيو چارو د وزير داکتر زلمي رسول، د هند سفير ګاتم موخو پاديا او په افغانستان کې د آغا خان پرمختيايي شبکې ديپلوماتيک استازي علي موجي ترمنځ لاسليک شوې وه.
دغه ماڼۍد هېواد په پلازمېنه کې يوه تاريخي ودانۍ ګڼل کيږي، چې د یاد هوکړه ليک له مخې نن د آغا خان د پرمختيايي شبکې لخوا په عصري او مډرنه بڼه ګټې اخیستنې ته وسپارل شوه.
له دغې ماڼۍ څخه به د ديپلوماتيکو هرکليو، مطبوعاتي کنفرانسونو، غونډو او دغه راز د اداري دفترونو لپاره کار واخيستل شي.
د هندوستان حکومت د ستوري ماڼۍ د بيارغونې او پراختيا لګښت د بلاعوضه مرستې په توګه د ۵ اعشاریه اووه ميليون دالرو په ارزښت د ډالۍ په توګه وړاندې کړی دی.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ