انځوريز خبرونه
د افغانستان د بهرنيو چارو وزير د مشرانو جرګې استجوابيه غونډې ته حاضر نه شو
د افغانستان د بهرنيو چارو وزير په بهر كې د افغان كډوالو او هېواد ته د عرب ښكاريانو د غېر قانوني راتګ په اړه د مشرانو جرګې استجوابيه غونډې ته حاضر نه شو. مشرانو جرګې د بهر نيو چارو د وزير ضراراحمد عثماني دا كار د اساسي قانون خلاف او د مشرانو جرګې پرېكړې ته سپكاوى وباله.
افغانستان ته د عرب ښكاريانو غېر قانوني راتګ د دې لامل شو، چې مشرانو جرګه د بهرنيو چارو وزير عمومي غونډې ته وروبولي.
محمد علم ايزديار د مشرانو جرګې مرستيال وايي:
عرب ښكاريان په افغانستان كې په غېر قانوني توګه ژوي او مرغان ښكاركوي.
نوموړی دغه راز وايي، چې په بهر كې افغان كډوال هم له ستونزو سره مخامخ دي، خو د بهر نيو چارو وزير مشرانو جرګې ته له راتګ څخه ډډه وكړه او د يو مكتوب په لېږلو سره یې ويلي، چي هغه د استانبول د كنفرانس په اړه په چمتوالى بوخت دى. دې كار د مشرانو جرګې د غړو تند غبرګون را وپاراوه.
د مشرانو جرګې يو شمېر نور غړي بشير احمد صميم او نجيبه حسني وايي، دې ستونزو ته په پام د بهرنيو چارو وزير په خپل مديريت كې د كمزورتيا له امله له مسئوليتونو تېښته كوي.
د مشرانو جرګې د غړو په وېنا همدا اوس ۱۶۰ عرب ښكاريان د هرات او فراه په دښتو كې د ژويو او مرغانو په ښكار بوخت دي.
تر دې وړاندې هم د بهرنيو چارو وزارت ويلي، چي كېدای شي د ځينو كسانو د ويزو په اجرا كې اداري تېروتنه شوې وي او د دوی په اړه يي څېړنې پېل كړې دي.
انځوريز خبرونه
د افغانستان سیاسي او اقتصادي بحران ته یوه لنډه کتنه
انځوريز خبرونه
آریانا نیوز: دري خبرونه د سلواغې ۱۱ کال ۱۳۹۹
انځوريز خبرونه
روبینا جلالي د اتلتیک د فدراسیون د رئیسئ په توګه وګمارل شوه
آغلې روبینا جلالي د افغانستان د ملي اتلتیک فدراسیون په ټول ټاکنو کې د ډیرئ رائیو په ګټلو سره، د دغه فدراسیون ریاست ته د څلور کالو لپاره وټاکل شوه.
نن پنج شنبه د مرغومې ۱۹، د افغانستان د ملی اتلتیک د فدراسیون د ریاست ګټلو په موخې ټول ټاکنې ترسره شوې چی په پایله کې یی میرمن جلالي تولو دیرشو رائیو په ګټلو سره بریالې شوه.
آغلې جلالي د طالبانو د دولت له سقوط څخه وروسته د المپیک لوبو لومړنې ښځینه ګډونکونکې ګڼل کیږي.
هغې د اتلتیک او د المپیک لوبو تجربه په ۲۰۰۴ او ۲۰۰۸ میلادي کلونو کې ترلاسه کړې ده.
نوموړې د اتلتیک فدراسیون د ریاست د دندو د پرمخوړلو ترځنګ د المپیک د ملي کمیټې د ښځو د بخش مرستیاله او په پارلمان کې د کابل ښاریانو استازې هم ده.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
راشد خان د افغان بیسیم سوداګریز سفیر شو