Connect with us

تازه خبرونه

د آصف مومند لسګونه پلویانو په کابل کې اعتراض وکړ

خپور شوی

د

(Last Updated On: لړم ۲, ۱۴۰۱)

د بلخ د ولایتي شورا د غړي آصف مومند لسګونه پلویانو په کابل کې اعتراض وکړ. دوی له دولت او نړیوالو بنسټونو غواړي، چې د مومند دوسی ته پاملرنه وکړي؛ ځکه له مومند سره د بلخ والي لخوا ناوړه چلند شوی؛ خو والي دغه تورونه نه مني.

څو ورځې مخکې د بلخ ولایتي شورا غړی آصف مومند په مزارشریف ښار کې ونیول شوی و. نوموړی وایي؛ نیونه یې د والي په امر او په ناقانون ډول شوې، چې د والي او زامنو لخوا یې وهل شوی هم دی. د دې مسالې څېړلو ته د ولسمشر لخوا یو پلاوی هم ګمارل شوی دی.

په کابل کې د مومند لسګونه پلویانو اعتراض وکړ او له مومند سره د بلخ والي چلند یې وغانده.

اعتراض کوونکي وایي، حکومتي مسوولین باید له زور څخه ځانګړې ګټه پورته نکړي؛ خلک ونه ځوروي او خپله ځواکمني ونه ښیي.

قومي مشر سید حسین خالقي وایي، له ښاغلي مومند سره ترسره شوې کړنه له کرکې او وحشت ډکه ده او مونږ یې په سختو ټکو کې غندو.

قومي مشر حشمت الله ارشد وایي، مونږ به هغو دولتي چارواکو ته، چې له څوکۍ او مقامه ځانګړې او ناوړه ګټه اخلي؛ اجازه ورنکړو ، چې بیا له چا سره خپله ناوړه کړنه تر سره کړي.        

دغه اعتراض کوونکي له دولت او نړیوالو بنسټونو غواړي، چې د مومند د شکنجې عاملان په سزا ورسوي.

د بلخ د ولایتي شورا غړی آصف مومند وایي، ما څه کړي وه، چې وتښتول شوم؛ ما په بلخ کې عدالت غوښت، ځکه، چې د بلخ والي د ځمکو په غصب او فساد کې ښکېل و.           

د بلخ والي ویاند منیر فرهاد د آصف مومند دغه ادعا نه مني او وایي، د حقیقت موندنې د پلاوي د څېړنو پایلو ته په تمه يو.

شاوخوا دوه اوونۍ مخکې آصف مومند د مزارشریف ښار په هوایي ډګر کې ونیول شو. د هغه د وینا له مخې؛ د والي پر امر نیول شوی او څورول شوی دی. حکومت د دې قضیې څېړلو ته یو پلاوی ګمارلی او ویل کیږي، چې د حقیقت موندنې د پلاوي څېړنې بشپړې شوي؛ خو پایلې یې رسنیو ته څرګندې شوې نه دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!