Connect with us

تازه خبرونه

دیارلس سوه شپږ نوییم کال د افغانستان ورزش ته ښه کال و

خپور شوی

د

(Last Updated On: لړم ۲, ۱۴۰۱)

په دې کال کې د ملي وحدت حکومت د ورزش په ډګر کې غوره ګامونه پورته کړل؛ ورزشکارانو هېواد ته ۲۱۷ مدالونه وګټل او حکومت د المپیک موازې ادارې او فدراسیونونه له منځه یوړل.

په ۱۳۹۶ کال کې ولسمشرۍ ماڼۍ د المپیکونو او فدراسینونو موازي ادارې له منځه یوړې او د ټاکنو د تر سره کیدو پلان یې پلی کړ. دغه راز د المپیک ریاست ته په ۹۷ کال کې د ټاکنو پلان جوړ شو.

په شپږنوییم کال کې د افغانستان فوتبال د آسیا د ملتونو له جام سره د افغانستان د فوتبال ملي لوبډلې مخه ښه وکړه؛ خو د مرکزي آسیا په سیالیو کې له شپاړس کلونو څخه ټیټ عمره فوتبال لوبډلې اتلولي تر لاسه کړه.

په ۱۳۹۶ کال کې د افغانستان ساحلي فوتبال لوبډلې په چین کې دوه یم مقام خپل کړ.

د افغانستان فوتسال هم په زړه پورې پرمختګونه لرل او په ‌آسیایي پېنځم  پړاو سیالیو کې ملي لوبډلې ته پرمختګونه په برخه شوي دي.

په شپږ نوییم کال کې د افغانستان کرکت لوبډلې له زیمبابوې څخه د لویو وچو او یوه ورځنۍ لوبې وګټلې، د نړۍ د نولس کلنو د کرکت لوبډلو په سیالیو کې افغانستان ته څلورم مقام په برخه شو او افغانستان د کرکت نړیوالې شورا دایمي غړیتوب هم تر لاسه کړ.

په دې کال کې د آسیا د ترکستان له رزمي سیالیو څخه افغانستان دولس مدالونه وګټل او په ۶۴ هېوادونو کې افغانستان ۲۶ ځای خپل کړ.

دغه راز افغانستان د سویلي آسیا د زورخانه یي او پهلواني سیالیو په ډګر کې لومړنۍ اتلولي خپله کړه.

په همدې کال کې یاسین سالک قادري د افغانستان د غړیو د ښکلا لرونکي لقب تر لاسه کړ.

د افغانستان د تنکیو ځوانانو موی تالی لوبډلې له رزمي نړیوالو سیالیو درې مدالونه وګټل؛ خو شپږنوییم کال د افغانستان تکواندو ته ښه نه و.

د بدني روزنې او ورزش لوی رییس حفیظ ولي رحیمي وایي، چې دمګړۍ زمونږ ورزشکاران په آرامه او له ناندرو څخه په خلاص چاپېریال کې لوبې کوي. مونږ هڅه کړې، چې په شپږنوییم کال کې د چارواکو په ملاتړ ورزشکارانو ته غوره آسانتیاوې برابرې کړو او ۱۳۹۷ کال به دوی ته ښه زیری ولري.              

ورزشکاران وایي، چې د ملي وحدت حکومت یې لکه، چې په کار ده، لاس نیوی نه دی کړی.

په ۱۳۹۶ کال کې د هېواد ورزشکارانو له بهرنیو سیالیو ۲۱۷ مدالونو، چې ۹۲ د سره زرو، ۳۸ د سپینو زرو او ۸۷ د بروزو دي د خپلو مټو پر زور تر لاسه کړي دي.

خبریال: عبید الله انوري

تازه خبرونه

افغانستان د پاکستان سفارت چارسمبالی احضار کړ

Published

on

(Last Updated On: کب ۲۸, ۱۴۰۲)

د افغانستان اسلامي امارت بهرنیو چارو وزارت د پاکستانيو پوځیانو له‌خوا د افغانستان له حریمه د سرغړونې په غبرګون کې د پاکستان سفارت چارسمبالی احضار او احتجاج‌لیک یې ورته وسپاره.

د افغانستان اسلامي امارت د بهرنیو چارو وزارت د څرګندونو له مخې؛ افغانستان د نړۍ د زبرځواکونو پرخلاف د ازادۍ د اوږدې مبارزې تجربه لري،  پخپله خاوره تېری نشي زغملی.

پاکستانی ولس او نوی ملکي حکومت باید پرېنږدي، چې ځینې کړۍ پر غیر مسوولانه کړنو خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.

Continue Reading

تازه خبرونه

افغان سرحدي ځواکونو فرضي کرښې ته نږدې د پاکستان پوځي مرکزونه وویشتل

Published

on

(Last Updated On: کب ۲۸, ۱۴۰۲)

د افغانستان ملي دفاع وزارت نن (دوشنبه د کب اته‌ویشتمه) څرګنده کړې، چې د پاکستان جنګي او جاسوسي جیټ الوتکې یو ځل بیا د افغانستان خاورې ته ننوتلي او د پکتیکا په سپیرې او د خوست برمل ولسوالیو کې یې د ملکي خلکو پر کورونو بمبارډ کړی دی.

د دغه وزارت ویاند عنایت الله خوارزمي په ایکس پاڼه کې لیکلي، چې: د پاکستان د هوایي یرخل او تېري په ځواب کې افغان سرحدي ځواکونو د فرضي کرښې په اوږدو کې د پاکستان پوځي مرکزونه پر درندو وسلو ویشتي دي.

خوارزمي زیاته کړې، د هېواد دفاعي او امنیتي ځواکونه د هر ډول تېري ځواب ورکولو ته چمتو دي او په هر حالت کې به له خپلې ځمکنۍ بشپړتیا څخه دفاع کوي.

د پاکستان پر پوځي مرکز له خونړي برید وروسته د دغه هېواد لوړپوړو چارواکو د غچ اخیستو شعارونه ورکړل.

د پاکستان ولسمشر اصف علي زرداري ویلي: پاکستان پرېکړه کړې هر څوک، چې زمونږ پر پولو، زمونږ پر کور او یا زمونږ پر مالونو برید وکړي؛ مونږ به ورته سخت ځواب ورکړو، هغه که هر څوک وي او د هر هېواد وي.

د پاکستان د ولسمشر له دغو څرګندونو یوه ورځ وروسته تېره شپه د دغه هېواد کشفي او جنګي الوتکو د پکتیکا پر برمل او د خوست په سپېره ولسوالیو بریدونه وکړل.

د پاکستان له خوا ادعا شوې چې په دغو بريدونو کې د ټي ټي پي يو قوماندان پر نښه شوى دى.

له دغه برید څو ساعته وروسته د پاکستان د وزیرستان له سیمې د ټي ټي پي د یاد قوماندان عبدالله شاه ویډیو کلیپ خپور شو.

دغه هوايي بریدونه د اسلامي امارت له سخت غبرګون سره مخ شوي دي.

ذبيح الله مجاهد دغه بریدونه غندلي او وايي، چې دا ډول پېښې به ډېرې بدې پايلې ولري، چې د پاکستان له کنټروله به بهر وي.

اسلامي امارت وایي، چې پاکستان باید د خپلې بې کفایتۍ او ناکامۍ پړه پر افغانستان وانه‌چوي.

دا په داسې حال کې ده، چې د پاکستان په هوايي بريدونو کې د پکتيکا درې ښځې او درې ماشومان وژل شوي او دوه نورو میرمنو د خوست په سپیره ولسوالۍ کې خپل ژوند له لاسه ورکړیدی.

Continue Reading

تازه خبرونه

په پکتیکا او خوست کې د پاکستان هوایي بریدونه پر افغان خاورې ښکاره تېری دی – مجاهد

Published

on

(Last Updated On: کب ۲۸, ۱۴۰۲)

د اسلامي امارت ویاند څرګنده کړې، چې تېره شپه شاوخوا ۳ بجې پاکستانیو الوتکو د پکتیکا ولایت د برمل لمنه او د خوست سپیرې ولسوالۍ د افغان دوبۍ په اړوند سیمو کې د عامو وګړو پر کورونو بمبارد کړی دی.

ذبیح الله مجاهد د دوشنبې پر ورځ ( د کب پر اته‌ویشتمه ) په ایکس پاڼه کې یاد بريدونه پر کلکو ټکو غندي او دغه غيرسنجيده اقدام د افغانستان پر حریم تجاوز او تېری بولي.

ذبیح الله مجاهد وایي؛ د دې هوایي تېري په پایله کې د پکتیکا ۶ کسان ۳ ښځینه او ۳ ماشومان وژل شوي او یو کور نړیدلی. دغه راز په خوست ولایت کې یو کور نړیدلی ۲ ښځې وژل شوي دي.

ذبیح الله مجاهد د دغو بریدونو په غبرګون کې څرګنده کړې؛ د افغانستان اسلامي امارت، چې د نړۍ د زبرځواکونو پرخلاف د ازادۍ د اوږدې مبارزې تجربه لري، هیچاته پخپله خاوره د تېري اجازه نه‌ورکوي.

هغه ویلي: د عبدالله شاه په نامه کس، چې پاکستاني اړخ یې په پېښه کې د پر نښه کېدو ادعا لري؛ هغه په پاکستان کې دی. بله دا، چې د یادو سیمو په دواړو غاړو کې یو قوم اوسیږي، چې ورځنی تګ راتګ او ګنې خپلویانې لري.

د نوموړي په خبرپاڼه کې راغلي: پاکستانی ولس او نوی ملکي حکومت باید پرېنږدي، چې د پوځ څو جنرالان په دغه ډول بې باکه کړنو سره تېرو شل کلونو ته ورته د نورو جهتونو د ګټو لپاره خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.

مجاهد زیاته کړې: پاکستان باید پخپله خاوره کې د پېښو د نه کنترول، ناتواني او ستونزو پړه پر افغانستان وانچوي؛ ځکه داسې پېښې خورا بدې پایلې درلودلی شي، چې بیا به یې کابو کول د پاکستان په اختیار کې نه وي.

د افغانستان اسلامي امارت هیچاته اجازه نه‌ورکوي، چې د افغانستان له خاورې څخه د چا امنیت خراب کړي.

دا په داسې حال کې ده، چې د شنبې پر ورځ وسله‌والو د پاکستان په میرعلي سیمه کې د امنیتي ځواکونو پر پوسته له چاودیدونکیو توکو ډکې لارۍ ته چاودنه ورکړ شوه او د پاکستان د پوځ اووه سرتېري او دوه افسران یې ووژل.

Continue Reading

Trending

Copyright © 2022 Ariana News. All rights reserved!