تازه خبرونه
دولت له خاورو څخه د جسدونو د را ايستلو توان نه لري- قانوني
د ولسمشر لومړي مرستيال محمد يونس قانوني، چې د كابينې له يو شمېر غړيو سره د يكشنبې په ورځ (د غويى۱۴) بدخشان ولايت ته سفر كړى و او له زيانمنو كورنيو سره يې د شل ميليون افغانيو بېړنې مرسته اعلام كړه.
نوموړي ژمنه وكړه، چې نوره مرسته به هم وكړي.
د بدخشان والي شاه ولي الله اديب وايي، څو كميټې جوړې شوي، چې مرستې چټكې كړي.
هغه زياتوي:
هڅه كيږي، چې په دولتي ځمكو كې بې ځايه شويو كورنيو ته سرپناوې جوړې شي.
د بدخشان والي يو ځل بيا د قربانيانو شمېر۲۵۰۰ تنه ښودلى او وايي، د پلټنې عمليات دوام لري او تراوسه درې مړي او اوه تنه ژوندي كسان له خاورو را ايستل شوي دي.
د ولسمشر لومړى مرستيال محمد يونس قانوني وايي، دولت د بدخشان په ارگو ولسوالۍ كې له خاورو څخه د جسدونو د را ايستلو توان نه لري.
له بلې خوا د ژغورنې په عملياتو كې تراوسه اووه تنه ژوندي را ايستل شوي دي.
بې ځايه شوې كورنۍ د مرستې رسونې له بهيره ناخوښ دي او وايي د څښاك اوبو، درملو او خوراكي توكو د نشتوالي ستونزه تراوسه هم په ځاى پاتې او لازمه مرسته نه ده شوې.
دا خلك اوس په وچ ډاك شپې ورځې تېروي او د مرستې بهير هم ورسره ټكنى دى.
په داسې حال كې، چې اوس هم په تېره بيا د ماشومانو ژوند له گواښ سره مخ دى؛ ځكه كيداى شي هره شيبه باران پيل او كوم بل ناورين رامنځته كړي.
د بدخشان ولايت د ارگو د آب باريك كلي بې ځايه شويو كورنيو د جمعې په ورځ( دغويى۱۲) د غره ښوويدو پر لامل كورونه له لاسه وركړي او ۲۵۰۰ تنه د خاورو لاندې شول.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ22 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی23 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري