تازه خبرونه
داکترعبدالله په سرپل کې د حکومتي والي پر ځای، نوی والي وټاکه
د داکترعبدالله عبدالله په مشرۍ د ثبات او همپالنې ټاکنډلې یو لړ ولایتونو ته د والیانو د ورپېژندنې لړۍ پیل کړه او نن یې یو حکم له مخې د سرپل ولایتي شورا رییس محمد نور رحماني د دې ولایت د والي په توګه ورپېژندلی دی.
د ولسمشریزو ټاکنو د وروستیو پایلو له اعلان وروسته عبدالله عبدالله دا پایلې رد او ځان یې د پراخ بنسټ حکومت ولسمشر وباله او څرګنده یې کړه، چې والیان به وټاکي او خپله کابینه به هم جوړه کړي.
نوموړي د شنبې پر ورځ د کب ۳ خپل لومړنی ګام پورته او د سرپل ولایتي شورا رییس محمد نور رحماني یې د عبدالقادر آشنا پر ځای د سرپل والي وټاکه.
دغه راز د پنجشېر والي کمال الدین نظامي خپل ملاتړ د ثبات او همپالنې له ټاکنډلې څخه اعلان کړ.
د پنجشېر والي کمال الدین نظامي ویلي؛ د افغانستان خلکو ته له منلي او ټول شموله حکومت څخه ملاتړ کوم.
د عبدالله عبدالله په مشرۍ د ثبات او همپالنې ټاکنډلې ویاند فریدون خوځون ویلي، د والیانو د معرفي کولو لړۍ پیل شوې او ټاکل شوې، چې یو لړ نورې کړنې هم تر سره شي.
د حزب وحدت ملي افغانستان ګوند رییس محمد محقق ویلي، چې د ولسمشریزو ټاکنو د وروستیو پایلو اعلان سولې ته زیان رسولی او که سیاله ټاکنډله پر تاوتریخوالي لاس پورې کړي، دوی هم له لاسه ورکولو ته نور څه نلري.
نوموړي زیاته کړې؛ که پر تاوتریخوالي لاس پورې شو، مونږ هم هغه خلک یو، چې په څلوېښت کاله جهاد کې مو( خره همدا بار وړی) ځکه، نو مونږ نور له لاسه ورکولو ته څه نلرو.
د ثبات او همپالنې ټاکنډلې له نړیوالې ټولنې غوښتي چې عدالت تامین کړي.
د ثبات او همپالنې ټاکنډلې دویم مرستیال اسدالله سعادتي ویلي: له هغې نړۍ، چې نن د دیموکراسۍ چغې وهي، د بشر حقونو شعارونه وړاندې کوي؛ ترې غواړو، چې د دیموکراسۍ، عدالت خپلواکۍ غوښتنې لوری خپل کړي.
په کابل کې د ملګرو ملتونو ټولنې سیاسي استازولۍ یا یوناما د عبدالله عبدالله دا ګام، چې ځینو ولایتونو ته یې والیان ټاکلي، اندېښه وړ بولي او څرګندوي: زور او یا هرې ناقانونه وسیلې ته مخه کول په داسې حال کې، چې د تاوتریخوالي د کمي اوونۍ پیل شوې، سولې لپاره د خلکو هیله زیانمنولی شي.
د سیمه ییزو ارګانونو خپلواکه اداره وایي، اعتراضونه او لاریونونه د هر چا حق دی؛ خو د عامه نظم ګډوډونکي به د عدلي او قضایي ادارو تر څارنې لاندې راشي.
د سیمه ییزو ارګانونو خپلواکې ادارې ویاند سید شاه سقیم ویلي؛ هیڅوک حق نلري، چې عامه نظم ګډوډ کړي او ملي ارزښتونه تر پښو لاندې کړي. پرته له دې به قانون ته ځواب ورکوي.
د عبدالله عبدالله په مشرۍ د ثبات او همپالنې ټاکنډلې نورو ولایتونو ته هم والیان معرفي کوي. دا په داسې حال کې ده، چې په چاریکار ښار کې د ثبات او همپالنې ټاکنډلې پلویانو په نڅا او ګډا دا جشن نمانځي.
تازه خبرونه
د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير
د ریاست الوزراء سياسي مرستیال مولوي عبدالکبير د سې شنبې پر ورځ ( د وري اتهویشتمه ) په سپېدار ماڼۍ کې د صنعت او سوداګرۍ وزارت له چارسمبالي نورالدين عزيزي سره وکتل.
نورالدین عزيزي ويلي، له ګاونډ هېوادونو سره ښې سوداګريزې اړيکې د دې لامل شوي، چې په هېواد کې دننه بيې په ښه حالت کې پاتې شي او د لارو بندېدا به پر بازار منفي اغېز ونکړي.
عزیزي زیاته کړې؛ د صنعت او سوداګرۍ وزارت له خصوصي سکټور سره همکار دی، چې له اغېزې یې خصوصي سکتور هم په سمه توګه فعالیت کوي او اسلامي امارت ورته لازمې اسانتیاوې برابرې کړې دي.
د نوموړي د څرګندونو له مخې؛ د اسلامي امارت د ښې اقتصادي پالیسۍ پر بنسټ د سیمې له هېوادونو سره په صادراتو او وارداتو کې د پام وړ پرمختګونه شوي دي. همدارنګه د افغانستان محصولات د منځنۍ آسیا په هېوادونو کې ښه بازار لري او د بازار موندنې لپاره یې په نورو بازارونو کې هم نندارتونونه جوړ کړي دي.
دغه راز مولوي عبدالکبیر د سوداګرۍ او صنایعو وزارت د رهبرۍ له هڅو ستاینه وکړه او څرګندوي: د امارتي ادارو بېسارې هڅې او د افغانۍ د بیې ثبات د دې لامل شوی، چې د خوراکي توکو بیې په ټیټه بیه کې پاتې شي او خلک مو د اړینو توکو د پیرودلو وس ولري.
مولوي عبدالکبیر له ګاونډ هېوادونو سره په سوداګرۍ کې د انډول پر ساتلو د ټینګار ترڅنګ زیاته کړې، چې د کورنیو تولیداتو د ښه کیفیت او د صنعت د ودې او پراختیا په برخه کې باید نورې هڅې هم وشي.
تازه خبرونه
روسیې او تاجکستان د افغانستان پولې ته نږدې ګډ پوځي تمرینات پیل کړل
د روسيې دفاع وزارت په خبرپاڼه کې راغلي؛ دغه پوځي روزنیزې هڅې د اپرېل پر پنځلسمه پيل شوي او د اپرېل تر اتلسمې به روانې وي، چې د ترسره کېدو موخه يې له ناقانونه وسلهوالو ډلو سره د مبارزې او د دولتي پولو ساتنه ده.
د روسيې دفاع وزارت زیاته کړې: د دغو پوځي روزنیزو هڅو د پرانستلو مراسم د تاجکستان د ختلان سيمې د خرب – میدون په غرنۍ دښته کې ترسره شول. دا دوه اړخیزې روزنیزې هڅې به د اپریل له پېنځلسمې څخه تر اتلسمې پورې روانې وي.
د روسیې دفاع وزارت ویلي، چې په دغو ګډو هحو کې د ترهګرو ډلو د له منځه وړلو لپاره د وسلهوالو ځواکونو د کارولو تنظیم، په غرنیو شرایطو کې د دندو د ترسره کولو لپاره د ځواکونو چمتو کول او د روزنې او عملي تجربې موضوع شامله ده. د روسیې پوځي ډله، چې په هڅو کې برخه اخلي په ټولیزه توګه په تاجکستان کې میشت د ۲۰۱ پوځي اډې سرتېري دي، چې د دې هېواد له پولو بهر د روسیې ترټولو لویه پوځي اډه ده.
د ګډ امنیتي تړون ټولنې غړي هېوادونه له افغانستان څخه د ګواښونو پر زیاتوالي اندېښمن دي او د دغو ګواښونو د مخنیوي لپاره پر همکارۍ ټینګار کوي. تاجکستان، قزاقستان، قرغزستان، ارمنستان، بیلاروس او روسیه د ډله ییز امنیتي تړون غړي دي.
په افغانستان کې له ۲۰۲۱ کال راپدیخوا روسیې او تاجکستان د لومړي ځل لپاره له افغانستان سره پولې ته څېرمه ګډ تمرینونه وکړل.
په ورته وخت کې اسلامي امارت د هېوادونو اندېښنې بې بنسټه بولي او وايي، چې د افغانستان خاوره به د هېڅ هېواد پر ضد ونه*کارول شي.
تازه خبرونه
د رسنیو سرغړونې کمیسیون د دوه ټلویزیوني شبکو د تړلو سپارښتنه وکړه
د باختر خبري سرچینې د څرګندونو له مخې؛ د سې شنبې پر ورځ ( د وري ۲۸ ) د رسنیو د سرغړونو مخنیوي کمیسیون د نور او بریا ټلویزیونونو ته سپارښتنه کړې، چې خپرونې ودروي او محکمې ته حاضر شي.
ویل کیږي، چې د دغو شبکو پر وړاندې پرېکړه د ژورنالیزم د اصولو نه مراعاتولو له کبله رامنځته شوې ده.
-
لوبی2 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه1 day ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ16 hours ago
امريکا او متحدین یې پر ايران د نورو بنديزونو لګولو هڅې کوي