تازه خبرونه
داعش د افغانستان په یوه ناامنه سیمه کې د مرکز جوړولو هڅې کوي
د امریکا د بهرنیو چارو وزارت وایي، په افغانستان کې د داعش حضور د حیرانتیا وړ نه، بلکې یو حقیقت دی، چې د له منځه وړلو لپاره به یې جدي اقدام وشي.
داعش په افغانستان کې یوه نوې پدېده ده چې په هکله یې په کور دننه او بهر بحثونه کیږي.
د امریکا د بهرنیو چارو وزارت د ویاند مرستیال مارک تونر وایي؛ مونږ په افغانستان کې داعش او د هغوي متحدین لیدلي او په اړه یې غږیدلي یو. مونږ د دغه حقیقت په اړه خبرې کړي، چې داعش غواړي په یوه ناامنه سیمه کې یوه څانګه پرانیزي. په هماغه ډول، چې دا ډله وینو په همغې کچې هڅه کوو، چې رهبري یې له منځه یوسو. که ووینو، چې داعش د حضور د پراختیا هڅه کوي؛ نو په چټکۍ به یې د بې برخې کولو لپاره اقدام وکړو.
په افغانستان کې د نړیوالو ځواکونو لوی قومندان جنرال جان الن هم وایي؛ ترهګر کلونه کلونه کیږي، چې له پاکستان او ایران څخه وسلې تر لاسه کوي.
د هغه په وینا: په افغانستان کې د وسلوالو مخالفینو ډلې خپلې وسلې د سیمې له هېوادونو برابروي؛ هغوی له پاکستان څخه راځي، چې هلته خوندي مرکزونه لري، په دې برخه کې هم پاکستان او هم ایران تر یوه بریده رول لري.
په روان کال کې د داعش او طالبانو فعالیتونه مخ په پراختیا دي او داعشیانو تېره اوونۍ په غور ولایت کې شاوخوا دېرش ملکي وګړي پر ډزو ووژل.
تازه خبرونه
د ټاپي ګاز شرکت اجرائیه رییس د پروژې له پرمختګه خوښ شو
د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
تازه خبرونه
تحول: په افغانستان کې د بریټانیا د پوځي ماموریت ارزونه
تازه خبرونه
په فاریاب او سرپل کې سېلابونو ځاني او مالي زیانونه اړولي
سیمهییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.
دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.
د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه2 days ago
په بلوچستان کې د پاکستان د بحري ځواک پر هوايي اډه وسلوال برید وشو