تازه خبرونه
خلیلزاد په کابل کې له حکومتي مشرانو او سیاسیونو سره ولیدل
د افغانستان د سولې لپاره د امریکا ځانګړي استازي زلمي خلیلزاد کابل ته په خپل سفر کې د چارشنبې پر ورځ( د لیندۍ ۲۷) له حکومتي مشرانو او سیاسي څېرو سره د تاوتریخوالي پر کمیدو او اوربند پر څرنګوالي خبرې اترې کړې دي.
د امریکا د بهرنیو چارو وزارت ځانګړي استازی زلمی خلیلزاد د پاکستان او قطر ته له سفر وروسته کابل ته راغلی او د ملي وحدت حکومت له مشرانو سره یې بېلابېلې لیدنې تر سره کړې.
د افغانستان د سولې لپاره د امریکا ځانګړی استازی، داکتر زلمي خلیلزاد نن سهار د افغانستان له ولسمشر سره وکتل او په دوحه او پاکستان کې یې د هغه د وروستي خبرو راپور وړاندې کړ.
ولسمشرۍ ویلي، چې له ولسمشر غني سره په لیدنه خبرې پر اوربند راڅرخیدلي او هوکړه شوې، چې د سولې لپاره باید لومړی اوربند اعلام شي.
د ولسمشرۍ ویاند صدیق صدیقي څرګنده کړې، چې زلمي خلیلزاد پاکستان او قطر ته د خپل سفر په اړه ولسمشر اشرف غني ته معلومات وړاندې کړل. د ولسمشر خبرې له خلیلزاد سره پر اوربند او له افغانستان څخه بهر د طالبانو پر امن ځایونو راوڅرخیدې.
دغه راز خلیلزاد په سپیدار ماڼۍ کې د ملي وحدت حکومت له اجرائیه رییس عبدالله عبدالله، سیاسیونو او د بېلابېلو ټولنو له استازیو سره هم ولیدل.
اجرائیه ریاست ویاند مجیب الرحمان رحیمی څرګنده کړې، چې په دې لیدنه کې د تاوتریخوالي کچې پر راټیټولو او د دوحې د ناستې پر وروستي پړاو خبرې اترې شوې دي.
په قطر کې طالب استازیو ته نږدې سرچینو منلې؛ امریکا له طالبانو غوښتي، چې د سولې د هوکړې لیک له لاسلیک ۱۰ ورځې مخکې اوربند ټینګ کړي او د تاوتریخوالي کچه هم راټیټه شي.
په پاکستان کې د طالبانو د واکمنۍ سفیر عبدالسلام ضعیف منلې؛ دا خبر رښتیا دي، چې طالب استازيو له خپلو مشرانو سره د امریکا پر هغې غوښتنې مشورې کوي، چې لس ورځنی اوربند او د تاوتریخوالي کموالی یي د سولې د هوکړې له لاسلیک مخکې غوښتی دی.
په ولسي جرګه کې د بدخشان استازي واقف حکیمي څرګنده کړې؛ یو هر اړخیز پلاوي باید جوړ شي، چې له طالبانو سره خبرې اترې وشي.
د طالبانو او امریکایانو خبرې ۵ ورځې روانې وې او دواړه لوریو د تاوتریخوالي پر کموالي، د اوربند پر ټینګښټ او د افغانستان پر خپلمنځي خبرو بحث کړی دی. تمه ده د امریکایانو او طالبانو ترمنځ د سولې هوکړه لیک ډېر ژر لاسلیک شي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ