Connect with us

تازه خبرونه

حکومت پر رسنیو محدودیتونه زیات کړي- د رسنیو ملاتړ ادارې

خپور شوی

د

(Last Updated On: لړم ۲, ۱۴۰۱)

د رسنیو ملاتړې ادارې وايي؛ حکومت پرته له دې، چې د رسنیو نظر واخلي د اساسي قانون خلاف پر رسنیو محدودیتونه زیات کړي دي.

د وژل شویو خبریالانو د پېښو په تړاو د حکومت له لورې د څرګندونو نه سپارل؛ د پېښو له ځای څخه پر ژوندۍ خپرونو د حکومت بندیز او د خبریالانو پر وړاندې پراته امنیتي ګواښونه هغه موارد دي، چې د رسنیو ملاتړو ادارو یې پر وړاندې غبرګون ښودلی.

دوی وايي، د ولسمشر دوه یم مرستیال د رسنیو د ملاتړو ادارو د نظر خلاف هغه تګلاره تصویب کړې، چې د پېښو له ځای څخه په ژوندۍ بڼه خپرونې نشي وړاندې کولی.

د رسنیو او حکومت د خوندیتوب ګډې کمیتې د پېښو له ځای څخه پر ژوندیو خپرونو داسې بندیز لګولی:

خبریالان د دې لپاره، چې ژوندۍ انځوریزې خپرونې یې په جګړه او برید کې د بندو پاتې نظامي ځواکونو او عامو خلکو ژوند له ګواښ سره مخ نکړي؛ نو باید د ژوندیو خپرونو له ورکړې څخه تر هغې، چې ترهګريز برید او جګړه پای ته رسیږي ‌ډډه وکړي. 

د خبریالانو ملاتړې ادارې وايي، له یوې خوا حکومت د وروستیو وژل شویو خبریالانو په اړه له رسنیزو ادارو سره ډاډمنې څرګندونې او امنیتي وېډیو ګانې نه دي شریکې کړي او له بلې خوا اوس هم په کندهار او هلمند کې لس تنه خبریالان د مرګ له ګواښ سره مخ دي.

رسنیز فعال علي اصغر اکبرزاده حکومت تورن کړی، چې د خبریالانو د وروستیو پېښو په اړه یې قانع کوونکي څرګندونې نه دي ورسره شریکې کړي.

دی ګواښ کوي، چې که په کابل کې پر خبریالانو د شوي برید امنیتي ویډیو ورسره شریکه نشي ځینې قضيې به افشا کړي.

دغه راز ویل کیږي؛ ان خبریالان نه دي توانیدلي، چې له حکومت سره د خبریالانو د خوندیتوب مسوده جوړه کړي.

د افغانستان د رادیوګانو او تلویزیونونو د اتحادیې مشر مولانا عبدالله وایي: مونږ تر اوسه پر دې نه یو توانیدلي، چې له دوی سره د خبریالانو لپاره لږ تر لږه یوه امنیتي مسوده ولیکو.

خبریالان هم له حکومت څخه غواړي، چې د خبریالانو ژوند ته اهمیت ورکړي.

خبریال میرویس وایي: حکومت دې هغه ژمنې، چې له خبریالانو سره یې کوي؛ باید پلې کړي؛ ځکه، چې له دې سره د خبریالانو ژوند خوندي کیږي.

خبریال امید دولتزی د خبریالانو له ستونزو اندېښمن شوی او وایي، چې خبریال نه یوازې له لفظي تاوتریخوالي سره مخ دی، بلکې وهل او ټکول شوی هم دی او د خبرجوړولو مخه یې نیول شوې ده.

د اساسي قانون څلوردېرشمه او د رسنیو د قانون د څلورمې مادې دوه یمه فقره داسې صراحت ورکوي: دولت د ټولیزو رسنیو ملاتړ، غښتلتیا او تضمین کوي. هیڅ حکمي او حقیقي شخص د دولت او دولتي ادارو په شمول نشي کولی د معالوماتي او خبري رسنیو خپلواکې کړنې منع، تحریم، سانسور او یا هم محدودې کړي او یا یې هم په چارو کې مداخله وکړي؛ خو د دې قانون له حکمونو سره.

حکومت په داسې حال کې پر رسنیو د پېښو له ځای څخه پر ژوندیو خپرونو بندیز لګوي، چې خبریالان اساسي او رسنیز قانون او د بیان آزادۍ ته ژمن پاتې دي.

خبریال: خلیل الرحمن امید

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!