تازه خبرونه
حکومت د پخواني کابلبانک د پورونو په راټولولو کې پاتې راغلی
د افغانستان د روڼتیا د څار بنسټ وایي، حکومت د کابلبانک د لوټ شویو پیسو د بېرته غونډولو توان نه لري.
محمد اشرف غني، چې د ولسمشر په توګه دنده پیل کړه د کار لومړیو شپو او ورځو کې یې د کابلبانک د دوسیې د بیا پرانیستو امر وکړ.
د لویې څارنوالۍ ویاند بصیر عزیزي سره له دې، چې د کابلبانک د لوټ شویو پیسو د بېرته راغونډولو مسوولیت لري؛ له پوروړیو څخه د راټولو شویو پیسو اندازه نه ښیي؛ خو وایي له پوروړو د پیسو غونډولو بهیر روان دی.
که له یوې خوا لویه څارنوالي د کابل بانک له ونډه لرونکیو څخه د پیسو د بېرته اخیستو خبره کوي؛ خو د دغو خبرو برخلاف د پخواني کابلبانک دغه ونډه لرونکي د پیسو له ورکړې ډډه کوي.
ښاغلی عزیزي آریانا نیوز ته وایي، چې حکومت نه شي کولی په زوره له پوړوړیو پیسې واخلي.
د پخواني کابلبانک ونډه لرونکی محمود کرزی وايي، ما خپل پور له تکتانې سره ورکړی؛ نور به څه ورکړم. ما دوه ځلې خپله برحه ورکړې؛ اوس زمونږ برخه په کابلبانک کې څه شوه؟ حکومت باید په کابلبانک کې زمونږ د برخې ځواب ووایي.
د روڼتیا د څار بنسټ وایي، چې حکومت د پخواني کابلبانک له پوروړیو څخه د پیسو په غونډولو کې پاتې راغلی دی.
د افغانستان د روڼتیا د څار بنسټ رییساکرام افضلي وایي، تر دې دمه حکومت د پورونو په راټولولو کې پاتې راغلی؛ ځکه لاسته راغلې پیسې د تېر وخت دي او په نوي حکومت کې څه شی نوی نه تر سترګو کیږي.
د پخواني کابلبانک له نږدې نهه سوه پنځوس میلیون لوټ شویو پیسو نږدې پېنځه سوه میلیون بېرته ټولې شوي او دغه ارقام لویې څارنوالۍ شاوخوا شپږمیاشتې وړاندې بیان کړي دي.
راپورونه وایي، چې تر اوسه د دغو پیسو کچه نه ده لوړه شوې.
خبریال: احمد فرشاد صالح
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
لوبی5 days ago
د افغانستان فوټسال ملي لوبډلې له ایران ماتې وخوړه
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه8 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه24 hours ago
د ایران ولسمشر پر درې ورځني سفر پاکستان ته ولاړ
-
سوداگري20 hours ago
د اوسپنې پټلۍ له لارې ترکیې ته د افغانستان صادرات پیل شول