Connect with us

تازه خبرونه

حکومت د ترهګرو مخه نه نيسي

خپور شوی

د

(Last Updated On: لړم ۲, ۱۴۰۱)

vlcsnap-2016-10-16-19h05m47s85

د مشرانو جرګې د یو شمېر غړو د څرګندونو له مخې حکومت په شمالي ولایتونو کې د ترهګرو د ماتولو اراده نه لري.

سناتوران وايي چې د حکومت د بې پروایۍ له کبله په شمالي ولایتونو کې ناامني ډېره شوې ده. دوی اندېښه څرګندوي چې همدا اوس په بغلان او کندوز کې سلګونه سخت دریځي ځای په ځای شوي دي او په وینا یې چې حکومت یې هم د ماتولو نیت نه لري. ځینې نور سناتوران بیا وايي پاکستان هڅه کوي چې د ترهګرو مرکزونه افغانستان ته را ولېږدوي.

په داسې حال کې چې په دې وروستیو کې د سویلي ولایتونو سربېره په شمالي ولایتونو کې هم جګړو زور اخیستی او وسله وال مخالفین هڅه کوي چې سیمې لاندې کړي.

سناتوران زیاتوي چې د سخت دریځو له پاره دروازې پرانیستل شوې چې له کبله یې هغوی په شمالي ولایتونو کې جګړې ته زور ورکړی دی.

سناتوره ګلالۍ اکبري وايي: “اصل کې دولت دروغ وايي او په شمالي ولايتونو کې د تصفيې له پاره هېڅ پلان نه لري، له همدې کبله په شمالي کې مخالفې وسله والې ډلې د پياوړي کېدو په حال کې دي او د پرانستو سرحدونو له کبله ډلې ډلې مخالفين راځي او ناامني زياتوي.”

سناتور سیدصفی‌الله هاشمي وايي: “په نظامي ارګانونو کې د اړيکو له مخې ګمارنې د دې لامل شوې چې په ډېرو ولايتونو کې امنيتي حالات له کنټروله ووزي، دا موضوع بايد په جدي توګه په نظر کې ونيول شي.”

یو شمېر نور سناتوران بیا وايي، پاکستان په دې هڅه کې دی چې د ترهګرو مرکزونه افغانستان ته را ولېږدوي، نو ځکه وسله والو مخالفینو په ګڼو ولایتونو کې خپلو بریدونو ته زور ورکړی دی.

سناتور ګل‌احمد اعظمي وايي: “امنيتي حالت ورځ په ورځ د خرابېدو په حال کې دی، په دې ناوړه شرايطو کې د پاکستان سياست بيا غواړي چې د وېره اچوونکو ځالې افغانستان ته ولېږدوي او نړيوالو ته وښيي چې پاکستان د ترهګرو مرکز نه دی او دا کار لامل شوی چې چې په هېواد کې د ترهګرو بريدونه ډېر شي.”

له ډېرې مودې راهیسې د ملي شورا غړي له حکومت څخه غواړي چې د جګړې څرنګوالی بدل کړياو مدیریت او رهبري کې مثبت بدلون راولي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!