Connect with us

تازه خبرونه

جنرال مک ماستر د وضعیت څېړلو لپاره افغانستان ته سفرکوي- ترمپ

خپور شوی

د

(Last Updated On: لړم ۲, ۱۴۰۱)

undefined

د امریکا ولسمشر په سپینه ماڼۍ کې د ناتو له سرمنشي سره په یوه ګډه خبري غونډه کې افغانستان ته د خپل ملي امنیت سلاکار له سفرکولو خبر ورکړ.

دا له کله، چې ترمپ د ولسمشر په توګه دنده پیل کړې؛ افغانستان ته د یوه جګپوړي امریکایی چارواکي لومړنی سفر دی.

امریکایی رسنيو ویلي؛ دغه امریکایي چارواکی به وڅېړي، چې آیا افغانستان ته د نورو  سرتېرو لیږلو ته اړتیا شته؟

د امریکا ولسمشردونالد ترمپ په ډاګه کړې، چې زه جنرال مک ماستر افغانستان ته لیږم، چې مونږ، افغان همکاران او د ناتو متحدین مو څرنګه کولی شي، چې پرمختګ وکړو.

د ناتو سرمنشي د افغانستان ماموریت د ترهګرۍ پر وړاندې په نړیواله مبارزه کې کلیدي همکاري یادوي.

د ناتو سرمنشي په سپینه ماڼۍ کې له ښاغلي ترمپ سره خبري غونډې ته په وینا کې وویل، د افغانستان ماموریت د نړیوالې ترهګرۍ په وړاندې په مبارزه کې د سترې ونډې ښودونکی دی.

د ناتو سرمنشي ینس استولتنبرگ وایي؛ مونږ د خپلو سرتېرو که ښځې دي او یا نرینه له سرښندنو منندوی یو، چې په سختۍ سره یې پرمختګونه تر لاسه کړې او ترې ساتنه کوي. مونږ د هغوی له قربانیو یادونه کړې. همدا اوونۍ یو امریکایی سرتېری له داعش سره په مبارزه کې هم ووژل شو. زمونږ ماموریت  په افغانستان کې د نړیوالې ترهګرۍ په وړاندې په مبارزه کې  ستره ونډه ده.

سپینه ماڼۍ وایي؛ د افغانستان په تړاو د امریکا تګلاره تر څېړنې لاندې ده، چې د امریکا د راتلونکیو پلانونو لپاره لاره پرانیزي.

د امریکا د ولسمشر سلاکار جیمز برادي په ډاګه کړې، چې مونږ په افغانستان کې خپلې تګلارې تر څېړنې لاندې راوستي دي. مونږ له جنرال نیکلسون سره په مشوره کې ګام اخلو. له هرې پرېکړې مخکې په افغانستان کې د سرتېرو د کچې په تړاو مشوره کوو.

په افغانستان کې د امریکایي او ناتو ځواکونو عمومي قومندان جنرال نکلسون د فبرورۍ په میاشت کې د متحده ایالاتو د سنا د وسلوالو خدماتو د جرګه ګۍ په استماعیه غونډه کې ویلي وه، چې د افغانستان جګړه د “بندون” په حالت کې ده او د دې حالت د بدلون لپاره زرګونه سرتېرو ته اړتیا لري.

دا مهال امریکا په افغانستان کې اته زره څلور سوه سرتېري لري او د ناتو د نورو غړیو هېوادونو پېنځه زره سرتېري هم په افغانستان کې د ناتو د پرېکنده ملاتړ ماموریت په اډانه کې برخه لري.

دا په داسې حال کې ده، چې د سپینې ماڼۍ په وینا؛ د امریکا دولت د افغانستان په اړه  نوې تګلاره څېړي، چې د امریکا د نورو پروګرامونو لپاره د لار پرانیستو زمینه برابره کړي.

خبریاله: نذیره کریمي

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!