تازه خبرونه
جنرال دوستم به په ولسمشریزو ټاکنو کې د اشرف غني په ټاکنیزه ډله کې نه وي-جنبش
د افغانستان د ملي جنبش ګوند مسوولین وايي، چې جنرال عبدالرشید دوستم به په راتلونکیو ولسمشریزو ټاکنو کې د ولسمشر اشرف غني په ټاکنیزه ډله کې نه وي.
د ولسي جرګې له ټاکنو وروسته اوس سیاسي ډلې، ګوندونه او ائتلافونه د را روانو ولسمشریزو ټاکنو لپاره چمتوالی نیسي، چې یو یې هم د افغانستان لوی ملي ائتلاف دی او غواړي د راتلونکیو ټاکنو لپاره د یو مشر پر غوره کولو فکر کوي.
د جمعیت ګوند غړی عبدالرحمان اخلاقي وایي: د ولسمشریزو ټاکنو لپاره د لوی ملي ئتلاف مشران راتلونکیو ولسمشریزو ټاکنو ته د یوه مشر پر غوراوي فکر کوي.
د افغانستان د ملي جنبش ګوند، چې په تېرو ټاکنو کې یې د ولسمشر غني خوا نیولې وه، اوس په راتلونکیو ولسمشریزو ټاکنو کې له اشرف غني سره د ملګرتیا هوډ نلري.
د افغانستان د ملي جنبش مرستیال عبدالله قرلق وایي: د ائتلاف مشران د جنرال دوستم په ګډون ولسمشریزو ټاکنو ته چمتووالی نیسي او زه فکر نه کوم، چې دا ځل به له اشرف غني ملاتړ وکړي.
ولسمشر غني څه موده مخکې د ښځو پنځم ملي سمپوزیم ته د خبرو پر مهال د ټاکنو پر خپلواک کمیسیون غږ کړی و، چې د راتلونکیو ولسمشریزو ټاکنو مهالوېش دې اعلان کړي. د ټاکنو خپلواک کمیسیون هم د وري یو دېرشمه د ولسمشریزو ټاکنو ورځ اعلان کړې ده.
د یادونې وړ ده، چې ولسمشر اشرف غني هلمند ولایت ته د خپل وروستي سفر پر مهال ویلي، چې په ولسمشریزو ټاکنو کې باید د ولسي جرګې د ټاکنو تېروتنې تکرار نشي.
خبریال: علی اصغري
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه18 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
نړۍ17 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی17 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ