Connect with us

تازه خبرونه

ترمپ په افغانستان کې د سرتېرو په اړه مشوره نه ده کړې- سپینه ماڼۍ

خپور شوی

د

(Last Updated On: لړم ۲, ۱۴۰۱)

vlcsnap-2017-02-10-17h56m06s132

سپینه ماڼۍ وایي، چې ولسمشر دونالد ترمپ تر اوسه په افغانستان کې د سرتېرو د زیاتولو په تړاو له خپلو لوړپوړیو پوځي چارواکو سره سلا مشوره نه ده کړې.

د ناتو د پریکنده ملاتړ ماموریت قومندان په افغانستان کې له طالبانو سره جګړه ټکنی ګڼلې او ویلي یې دي، چې د دغه وضعیت د بدلون لپاره د امریکا او نورو هېوادونو زرګونه سرتېرو ته اړتیا ده، چې باید افغانستان  ته ولیږل شي.

داسې ښکاري، چې په اوسني حالت کې به د جګړې پای ته رسول داسې آسان کار نه وي.

د سپینې ماڼۍ ویاند شان سپایسر وایي، چې تر اوسه په افغانستان کې د سرتېرو د ډېرولو په اړه  ولسمشر له پوځي چارواکو او دفاع وزیر سره خبرې نه دي کړي.

د نوموړي په وینا؛ ولسمشر به لومړی له دفاع وزیر  او  امریکایي جنرالانو مشوره اخلي.

هغه په ډاګه کړې؛ فکر کوم، چې ولسمشر به د دفاع وزیر جیمزمتیس او جنرالانو مشورې په دې اړه  واوري؛ خو تر دې دمه خبرې پرې شوې نه دي.

هغه وایي؛ فکر کوم، چې دا د دفاع وزارت یوه موضوع ده او باید منتظر پاتې شو.

امریکا او ناتو شاوخوا څوارلس کاله په افغانستان کې پوځي ماموریت پر مخ یوړ؛ خو اوس هم په دې هېواد  کې جګړه پای ته نه ده رسیدلې.

باور دی، چې د بهرنیو سرتېرو  زیاتول به هم د جګړې شدت کم نه کړي.

د افغانستان ملي دفاع وزارت ویاند دولت وزیری وایي، د امریکا هره تازه پرېکړه باید په افغانستان کې د جګړې د پای سبب شي او ترهګر ماته وخوري.

سیاسي شنونکی عبدالقهار سروري وایي، افغانستان او نړیوال همکاران یې که لاس تر زنې کښیني؛ راتلونکی کال به مو له ناورینونو ډک وي.           

مخکې له دې امریکایي چارواکو ویلي وه، چې ټاکل شوې درې سوه سمندري سرتېري هلمند ته ولیږل شي؛  خو اټکل کیږي، چې افغانستان به په راتلونکي پسرلي کې هم له سختې جګړې سره مخ وي.

د یادونې وړ ده، چې ناتو دا مهال په افغانستان کې دولس زره پېنځه سوه سرتېري لري، چې اته زره څلور سوه یې امریکایان دي.

خبریال : باعث حیات

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!