Connect with us

تازه خبرونه

بيات بنياد په ننگرهار كې د زلزلې له ټپيانو سره نغدي مرسته وكړه

خپور شوی

د

(Last Updated On: لړم ۳, ۱۴۰۱)

bayat

تېره دوشنبه د سترگو په رپ کې زاړه دیوالونه راونړیدل او د ډېرو افغانانو  هډونه یې پرې کړل.

غم د هغو ډېر دی، چې هم یې کور وران شو او هم د خپل ټپي وجود د درملنې وس نه لري؛ خو بیات بنیاد هغه بنسټ دی، چې هر کله یې د سختې پر وخت یې هېواد والو ته د مرستې لاس ورکړی دی.

د بیات بنیاد مرستیال حاجي محمد اسماعیل د ننگرهار په مرکزي روغتون کې د زلزلې د ټپیانو پوښتنه وکړه او له هر یوه سره یې د درملنې لپاره نغدي مرسته وکړه.

زلزلې په کورنو، ښوونځیو او جوماتو کې خلکو ته ډېر ځاني زیان اړولی دی.

د زلزلې ډېر ټپیان بېوزله ښځې او ماشومان دي.

دوی د بیات بنیاد له مرستو حوشحاله دي او له نورو خیریه بنسټونو هم غواړي، چې ورسره مرسته وکړي.

د ننگرهار دعامې روغتیا مرستیال داکتر افندي پاچا وايي، ترخپلې وسې د ټپیانو د درملنې له پاره هلې ځلې کوو؛ خو داسې ټپیان هم شته، چې درملنه یې د دوی له وس وتلې ده.

هغه وايي، بیات بنیاد لوړنی خیریه بنست دی، چې د زلزلې له ټپیانو سره یې نغدي مرسته وکړه.

دبیات بنیاد خیریه بنسټ له دې یوه ورځ مخکې د ننگرهار په کامه کې پر سلگونه زلزله ځپلیو کورنیو جنسي مرستې وېشلي وې.

د تېرې اوونۍ زلزلې  په ننگرهار کې یو سل و اته ویشت  کسان مړه او یو سل و دوه څلوېښت ټپیان کړل، چې په ټپيانو  کې ډیر یې د خپلې درمنلې وس نه لري.

 یاد  بنسټ د تېرې یوې لسیزې راهیسې د بېوزله او طبیعي پيښو له ځپل شویو کورنیو سره مرستې کوي او ترڅنگ یې د هېواد په بېلابېلو ولایتونو کې لسگونه ښوونځي، روغتونونه او د لوبو ډگرونه هم جوړې کړي، چې  اوس هم دا لړۍ  روانه ده..

خبریال: رحمت الله زیارمل.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!