تازه خبرونه
بودجوي واحدونو د پراختیایي بودجې له ۳۸ سلنې لږ برخه لګولې
د ۱۳۹۶مالي کال له پای ته رسیدو سره په یوه وخت نهه دېرش بودجوي واحدونو د خپلې پراختیایي بودجې له څلویښت سلنې لږ برخه او څوارلس نورو بیا له څلویښت سلنې پورته لګولې ده.
آریانا نیوز ته رسیدلي نوملړ ښیي؛ بودجوي واحدونو د پراختیایي بودجې له اته دېرش سلنې لږ برخه لګولې، چې په کې د مرکزي احصائیې ادارې له یوې سلنې لږ، د ژوند او چاپېریال ساتنې ادارې دوه سلنه، د ارشاد، حج او اوقافو وزارت اتلس سلنه، ترانسپورت وزارت اووه لس سلنه برخې لګولې دي. دا هغه بودجوي واحدونه دي، چې لږه پراختیایي بودجه یې لګولې کړې ده.
د ولسي جرګې د اقتصاد کمیسیون غړی محمدهاشم وایي؛ هغو بودیجوي وادونو، چې بایر پراختیایي بورجه یې لګولې وای؛ خو یوشمېر یې په لګولو کې پاتې راغلي دي. په دوی کې کورنیو چارو وزارت اته دېرش سلنه، ملي دفاع وزارت ۳۲ سلنه او په امنیتي برخه کې له څلویښت سلنې لږ برخه لګولې ده.
په ۵۳ بودجوي واحدونو کې یوازې ۱۴ بودجوي واحدونو څه باندې۴۰ سلنه بودجه لګولې، چې د ملي امنیت ریاست اته نوي سلنه، د کډوالو چارو وزارت ۶۴ سلنه، د کرنې او مالدارۍ وزارت ۶۲ سلنه او د مالیې وزارت ۵۸ سلنه پراختیایي بودجه لګولې ده. دا هغه بودجوي واحدونه دي، چې ډېره پراختیایي بودجه یې لګولې ده.
د ولسي جرګې غړي دغه حالت ناخوښي کړي دي.
د ولسي جرګې د مالي چارو او بودجې د کمیسیون غړی صدیق عثماني وایي، د بودجې د پوره نه لګولو بنسټیز علتونه ناامني، فساد او د بشپړ پلان نشتوالی دی.
د مالیې وزارت په دې اړه خبرو ته حاضر شوی نه دی؛ خو باور کیږي، چې د بېوزلۍ او وزګارتیا له پراختیا سره د پراختیایي بودجې نه لګول به د ولس پر اوږو پروت یودروند پېټی وي.
خبریاله: سمیرا ظفري
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ