Connect with us

تازه خبرونه

برګ: ناټو له افغانستان څخه د وتو نیټه نه ده ټاکلې

خپور شوی

د

(Last Updated On: لړم ۳, ۱۴۰۱)

Pre-ministerial press conference by NATO Secretary General Jens Stoltenberg

د ناټو سرمنشيينزستولتن برګوایي؛ ناټو د پریکنده ملاتړ د ماموریت له پای ته رسېدو وروسته هم په افغانستان کې د حضور غوښتنه لري.

ښاغلی برګد دغه مطلب په څرګندولو سره ټینګار کوي چې ناټو د پریکنده ملاتړ د ماموریت د پای ته رسولو لپاره کره نیټه نه ده ټاکلې.

نوموړي دغه راز زیاته کړه چې ناټو د افغان امنیتي ځواکونو د ملاتړ لپاره غواړي د هغوي تر څنګ ودریږي.

د ناټو سرمنشي  ينزستولتن برګ په افغانستان کې د ناټو د تېرو ۱۳ کلونو پوځي رول مهم او حیاتي وباله او ویې ویل چې ناټو غواړي په افغانستان کې د پریکنده ملاتړ د ماموریت له پای ته رسېدو وروسته هم په افغانستان کې حضور ولري.

دی وایي افغان ځواکونه ښه ځلیدلي؛ خو لا هم د ده په خبره دغه ځواکونه د ملاتړ دوام ته اړتیا لري:

زما توقع دا ده چې موږ به پریکړه وکړو څو په افغانستان کې دغه راز حضور ولرو، حتی افغان ځواکونو ته د زدکړو، سلا مشورې او تجهیز د ماموریت له پای ته رسېدو وروسته هم.

دی ټینګار کوي چې ناټو په افغانستان کې د پریکنده ملاتړ د پای ته رسولو لپاره مشخصه نیټه نه ده ټاکلې.

 

مونږ د ناټو د ماموریت د پای ته رسولو لپاره مشخصه نیټه نه ده ټاکلې، چې څومره دغه ماموریت دوام وکړي. یواځې امریکا ویلي چې په ۲۰۱۶ کال کې به د پریکنده ملاتړ په ماموریت کې خپل حضور پای ته ورسوي، وروسته له هغې باید مونږ پریکړه وکړو چې د پریکنده ملاتړ ماموریت څه وخت پای ته ورسوو.

د ناټو سرمنشي وایی، د ترکیې د انتالیا په ښار کې به د ناټو تړون د غړو هېوادونو د بهرنیو چارو وزیرانو په ناسته کې پریکړه وشي چې د ناټو د ماموریت له پای ته رسېدو وروسته څه وکړو. دا په داسې حال کې ده چې د ۲۰۱۵ کال په پیل سره افغانستان کې جګړو زور اخیستی.

د افغانستان د ملي شورا غړي امنیتي وضعیت ته په کتو سره له ناټو او امریکا غواړي چې په خپلو تګلارو بیا کتنه وکړي.

خبریال: محمد میلاد سکندري

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!