Connect with us

تازه خبرونه

بارک اوباما باید له افغانستان څخه د خپلو ټولو سرتېرو پر ایستلو له سره غور وکړي

خپور شوی

د

(Last Updated On: لړم ۳, ۱۴۰۱)

3

د  امریکا د ولسمشر بارک اوباما د وروستي اعلان له مخې به امریکایې سرتېري تقریباً ټول د ۲۰۱۶ کال تر پایه افغانستان څخه ووځي.

شاوخوا لس تنه جمهوري غوښتونکو او ډیموکراټو سناتورانو د پنجشنبې په ورځ په کانګرس کې له افغانستان څخه د امریکایي سرتېرو د وتلو موضوع مطرح کړه.

د دوی بحث دا و، چې داسې ژر له افغانستان څخه د امریکایي ځواکونو وتل ډېر خطر لري، په تېره بیا په داسې وخت کې، چې د افغانستان د ولسمشرۍ انتخاباتو ستونزې لا ندي هوارې شوي.

د افغانستان د انتخاباتو کړکېچ او د عراق وروستيو حالاتو د امریکا وکیلان او د هغوی سیمهییز متحدین دې فکر ته اړ ایستي چې؛ وايي ولسمشر بارک اوباما باید له افغانستان څخه د خپلو ټولو سرتېرو پر ایستلو له سره غور وکړي.

په همدې حال کې د افغانستان لپاره د امریکایي ځواکونو لوړ پوړي قومندان جنرال جوزف ډانفورډ هم تېره اوونۍ د امریکا د سنا د پوځي چارو کمېټې ته همدا اشاره کړې وه چې؛ دی او نور پوځي قومندانان غوره نه بولي چې؛ امریکا تر ۲۰۱۶ کال وروسته خپل تقریباً ټول سرتیري له افغانستان څخه وباسي.

هغه زیاته کړه، چې افغانستان د ولسمشرۍ انتخاباتو ستونزه باید حل شي؛ افغان امنیتي ځواکونه باید په پرله پسې ډول پرمختګ وکړي او د ۲۰۱۷ کال تر پایه دومره پیاوړي وي؛ چې په افغانستان کې د زرو امریکایي سرتېرو همکاري ورته کافي وي.

که څه هم جنرال ډانفورډ د ۳۵۲۰۰۰ افغان امنیتي ځواکونو ستاینه وکړه چې؛ د ۲۰۱۳ کال په جون کې یې د خپل هېواد امنیتي چارې په لاس کې واخستې او د ولسمشرۍ انتخاباتو پر مهال د تاوتریخوالي په مقابل کې ودرېد خو وايي، چې افغان ځواکونه به د وسله والو د ځپلو لپاره د امریکايي سرتېرو په څېر موثر نه وي.

ده ټینګار کړی چې د افغان پوځ لپاره د روسي الوتکو د پېردولو د تړون لغوه کول ښایی د دوی د سرتېرو لپاره په ناورین واوړي.

د ډنفورد په وېنا له روسیې څخه د پېردونکو هلیکوپترو څخه به ۳۰ افغان ځانګړو ځواکونو ته د د تروریزم ضد عملیاتو او نشه یی توکو سره د مبارزې لپاره ځانګړې شی.

ډنفورد همداراز وایي، د روسي ام ای ۱۷ هلیکوپترو پرته به افغان ځواکونه د ثبات راوستلو وړتیا له لاسه ورکړي او مونږ به له تروریزم سره د مبارزې په لار کې کمزوري ملګری ولرو.

دا په داسې حال کې ده، چې د امریکا ولسمشر بارک اوباما د اوکراین د کړکېچ له کبله پر یو شمېر روسي شرکتونو بندیزونه ولګول.

د امریکا په کانګرس کې افغان پوځ ته د هلیکوپترو د پېرودولو په لار کې د احتمالي ستونزو یادونه هم ښایی د همدغو بندیزونو زېږنده وه.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!