Connect with us

تازه خبرونه

ایشچي: حکومت مې دوسيه هېره کړې

خپور شوی

د

(Last Updated On: لړم ۲, ۱۴۰۱)

vlcsnap-2017-01-22-18h23m08s149

د ملي جنبش پخوانی مرستیال محمد ایشچي وايي چې په حکومت یې هغه شکونه ډېر شوي چې ګواکي د ده دوسیه به هېروي. ایشچي له ولسمشر غواړي چې د جنرال دوستم دنده وځنډوي او ممنوع الخروج یې اعلان کړي. ایشچې له لویې څارنوالۍ غواړي چې دوستم ونیسي، خو لویه څارنوالي نه غواړي په دې هکله له رسنیو سره خبرې وکړي.

د ولسمشر په لومړي مرستیال جنرال عبدالرشید دوستم باندې د احمد ایشچې له خوا لګېدلي تورونه لاهم په عدلي او قضايي ارګانونو کې زنداني دي. احمد ایشچي که څه هم شکمن دی چې حکومت به یې دوسیه وڅېړي، خو لاهم د لویې څارنوالۍ وروستۍ پرېکړې ته سترګې په لاره دی.

د ملي جنبش پخوانی مرستیال احمد ایشچي وايي: “قانوني پړاوونه تر دې مهاله پورې ترسره شوي، اوس بايد لويه څارنوالي قانوني اجرات وکړي، د دوستم دنده دې وځنډوي او له هېواد يې دې ممنوع الخروج اعلان کړي.”

لویه څارنوالي او د ملي جنبش ګوند مسولین په دغه هکله له څه ویلو ډډه کوي. دا چې عدلي ارګانونه تر اوسه نه دي توانېدلي چې د محمد ایشچي دوسیه مخکې يوسي، په دې هکله خپله ایشچي هم پوښتنې لري.

د ملي جنبش پخوانی مرستیال احمد ایشچي وايي: “زما له پاره هم دا پوښتنه ده چې دولت نه غواړي او يا يې هم زور نه رسېږي چې له هغه پوښتنه وکړي.”

د احمد ایشچي د دوسیې بشپړول او په هکله یې پرېکړه د عدلي او قضايي ارګانونو له پاره یوه آزموینه بلل کېږي. ایشچي وايي که یې دوسیه و نه څېړل شي، د هاګ نړیوالې محکمې ته به عریضه وکړي. د یادونې وړ ده چې احمد ایشچي د ولسمشر په لومړي مرستیال عبدالرشید دوستم تور لګولی چې په ناقانونه توګه یې په شخصي زندان کې اچولی او فزیکي او جنسي ربړونې یې ورکړې دي.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!