Connect with us

تازه خبرونه

اوسنۍ ناامني په تېر حکومت کې ریښه لري – عبدالله

خپور شوی

د

(Last Updated On: لړم ۳, ۱۴۰۱)

vlcsnap-2015-05-09-19h06m25s227

اجرایي رییس عبدالله عبدالله وایي؛ د حکومت مشران هغه کسان چې د افغانستان امنیت ګډوډوي، د افغانانو دښمنان بولي او اوسنۍ ناامني په تېر حکومت کې ریښه لري.

نوموړی دا څرګندونې هم په کلکه ردوي چې وایي بهرنیو ځواکونو او حکومت جګړې له سویل نه شمال ته لیږدولي دي.

په همدې حال کې د اجراییه ریاست دوهم مرستیال محمد محقق وایي، د جګړې دواړه لوري مسلمان دي او طالبانو د سولې په پروسې باندې د تودو بحثونو له کبله حکومت تیر ایستلی دي او خونړي بریدونه یې کړي دي.

اجراییه ریاست وایي، حکومت له سترو امنیتي ننګونو سره مخامخ دی، خو وایي چې د طالبانو د په نښه کولو او زیانمنو شویو سیمو ته د ثبات د بیا راتلو لپاره په نوي پروګرام او پلان کار کوي.

ښاغلی عبدالله وایي، طالبانو ته د ورور او دوست خطاب کول بنسټ پال پیاوړي کړي او د هغه په وینا، اوسنۍ ناامني په تېر حکومت کې ریښې لري.

اجرایی رییس زیاتوي، طالبانو پلان درلود چې د نړیوالو ځواکونو د محاربوي ماموریت له پای ته رسېدو سره سم د هېواد ښارونه ونیسي.

نوموړی هغه ادعاوې هم ردوي چې حکومت او نړیوالو ځواکونو جګړه له سویل نه شمال ته لیږدولې ده.

vlcsnap-2015-05-09-19h06m36s90

د ښاغلي عبدالله دوهم مرستیال د اجراییه ریاست د دارالانشا د رییس په توګه د نصرالله بریالي ارسلایي د معرفي پر مهال د طالبانو عملیات د جګړې په دې فصل کې ناکام بولي؛ خو وایي د دغې ډلې د خونړیو بریدونو عامل د سولې د خبرو تودېدل دي.

محمد محقق باوري دی چې د ثبات د ټینګښت اصلي اړخونه جهادي ډلې دي.

دی وایي د جګړې د تازه فصل له پیل مخکې هیلې وې چې جنګونه به پای مومي.

محقق وایي د جګړې دواړه لوري مسلمانان دي.

اجراییه رییس د حکومت مشران د ملي ګټو په ساتنه کې د حکومت مشران متحد بولي او د اوسنیو ننګونو د حل ژمنه کوي.

Advertisement

تازه خبرونه

افغانستان او چین په سیمه کې پوره همغږۍ او همکاریو ته اړتیا لري – امیر خان متقي

Published

on

(Last Updated On: غویی ۴, ۱۴۰۳)

د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.

امیر خان متقي دغه څرګندونې په کابل کې د چین له سفیر ژاو‌شینګ سره په کتنه کې کړې دي.

د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.

د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.

امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.

د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.

هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.

Continue Reading

تازه خبرونه

راشد خان د افغان بیسیم سوداګریز سفیر شو

Published

on

(Last Updated On: غویی ۴, ۱۴۰۳)

د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.

یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.

راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.

هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.

Continue Reading

تازه خبرونه

د اسلامي همکاریو ټولنې پلاوي د اروپايي ټولنې له استازې سره ولیدل

Published

on

(Last Updated On: غویی ۴, ۱۴۰۳)

د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.

په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.

میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.

هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.

له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.

Continue Reading

Trending

Copyright © 2022 Ariana News. All rights reserved!