تازه خبرونه
اوباما د ولسمشر غني واکونه پراخه کړي
يوه باوري سرچينه وايي؛ د امريکا ولسمشر بارک اوباما په وروستي ويديو کنفرانس کې اجرائيوي رييس داکتر عبدالله ته په ډاګه کړې، چې د سولې په بهیراو د ولسمشر غني په واکونو کې دې لاسوهنه نه کوي.
له سپينې ماڼۍ څخه په خپره شوې خبرپاڼه کې راغلي، چې د تېرې جمعې په ویډیو کنفرانس کې د افغان سولې پر بهیر، له ګاونډ هېوادونو سره د افغانستان پر اړيکو، د افغانستان په اړه د بروکسل او وارسا پر جوړیدونکیو کنفرانسونو او د افغانستان پر وروستيو امنيتي حالاتو خبرې شوې دي.
دغه رازاوباما د سولې د بهیر، د دولتي عوایدو د لوړیدو، د فساد په وړاندې د مبارزې او پر دولتي څوکیو د نویو ټاکنو په اړه د ولسمشر غني له هڅو ستاينه کړې ده.
د ملي وحدت حکومت يوې باوري سرچينې، چې د نوم د نه څرګندولو په شرط یې د کب په ١٩مه پژواک خبري اژانس ته ويلي وه، چې اوباما داکتر عبدالله ته ويلي: اشرف غني د افغانستان منتخب ولسمشر دى، د افغانستان د اساسي قانون له مخې، د يوه خپلواک هېواد په توګه ولسمشر خپل واکونه او صلاحيتونه لري.
د سرچينې په وينا، اوباما دا هم ورته ويلي؛د هغه هوکړه ليک له مخې،چې د ملي وحدت حکومت رامنځته شو، د دولت د لوړو پوړیو چارواکو د مقرريو په اړه به له اجرائيوي رييس سره يوازې مشوره کېږي نه دا، چې د ولسمشر د صلاحيتونو پر وړاندې خنډونه رامنځته شي.
د حکومت يادې سرچينې دغه راز په ډاګه کړې، چې اوباما د سولې د روان بهیرپه اړه د داکتر عبدالله پر ځينو څرګندونو نيوکې هم کړې دي.
اوباما زياته کړې، چې د افغانستان د سولې بهیرد امريکا د پاليسۍ له مخې پر مخ وړل کېږي او د عبدالله ځينې څرګندونې دا پروسه زيانمنوي.
د ولسمشر مرستيال وياند سيد ظفر هاشمي پژواک اژانس ته ويلي، دوى د دې خبر منځپانګه نه تائيدوي، په ځانګړي ډول دا،چې سوله د افغانانو غوښتنه ده، چې د ملي وحدت د دولت په رهبرۍ او د افغانستان د خلکو په غوښتنه یې بهیر روان دی.
دى وايي: ولسمشر او اجرائيه ریيس د دې بهیرپه اړه بشپړ توافق لري او د هېواد اجرائيه ریيس داکتر عبدالله د دې بهير اړوند په ټولو کاري غونډو او پرېکړو کې برخه لرلې ده.
دغه راز د اجرائيه رياست مرستيال وياند جاوید فيصل پژواک ته ويلي،چې دا راپور مطلق دروغ دى.
نوموړي د پورتنيو څرګندونو په اړه وويل: ” د ويديو کانفرانس جزيات د افغانستان د حکومت او سپينې ماڼۍ له خوا خپاره شوي دي.
د یادونې وده، چې د تېرې جمعې په ورځ (د کب ۱۴ د مارچ ۴) د امريکا ولسمشر بارک اوباما د افغانستان له ولسمشر اشرف غني او اجرائيوي رييس داکتر عبدالله عبدالله سره د ويـديو له لارې تفصيلي خبرې کړې وې.
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی4 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي4 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ3 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه4 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه3 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ5 days ago
امریکا به پر ایران د اسرائیلو په ځوابي برید کې برخه وانخلي
-
لوبی2 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه3 days ago
سعودي عربستان به په پاکستان کې پر بېلابېلو پروژو پانګونه وکړي