Connect with us

تازه خبرونه

امنیتي ځواکونو د لښکرګاه ښار څلورمه امنیتي حوزه ونیوله

خپور شوی

د

(Last Updated On: لړم ۲, ۱۴۰۱)

چارواکو ویلي، چې امنیتي ځواکونو له درې کلني ځنډ وروسته د هلمند د لښکرګاه ښار څلورمه امنیتي حوزه له وسله والو طالبانو ونیوله او پر اړوند سړک یې تګ راتګ پیل کړ.

 د لښکرګاه ښار پدې امنیتي حوزه کي دوه کاله وړاندي سختي جګړې وشوې، چي ډېريو امنيتي سرتېرو ته په کي مرګ و ژوبله اوښتې وه او د وسلوالو طالبانو تر ولکې لاندې راغله.

د هلمند سیمه ییز چارواکي وايي، له څلورمي امنیتي حوزي وروسته به دا ډول عملیات د هلمند هغه سیمو ته هم وغزول شي چي اوس د وسلوالو طالبانو په ولکه کې دي.

د سرحدي ځواکونو افسران وایي، چې له نادعلي ولسوالۍ څخه د څلورمي امنیتي حوزي باباجي سړک اوس هم له خطرونو ډک دی.

د درېيمي لوا درستیزوال ډګروال حنیف الله شینواری وايي، د څلورمې امنیتي حوزي په شاوخوا سیمو کې چاڼیز عملیات پیل شوي او هڅه کوو، چې نوې امنیتې پوستې ځای پرځای کړي.

که څه هم چارواکي په دې عملياتو کي د وسلوالو طالبانو او امنيتي ځواکونو د مرګ و ژوبلي په اړه څه نه وايي؛ خو څرګندوي، چي وسلوالو طالبانو سيمه له جګړې ته پريښې او په اړوند سیمو کې ماينونه ځاى پرځاى کوي، چې د امنيتي ځواکونو مخه ونيسي.

د دې سيمي اوسيدونکي هم خوښ دي، چي په سيمه کې يې چاڼیزعمليات ترسره شول؛ خو له دولت څخه د دې سيمو د ساتني غوښتنه کوي.

څلورمه امنيتي حوزه د لښکرګاه ښار په ٢٧ کيلو ميترۍ کې پرته ده، چي له تېرو درې کلونو څخه وسلوال طالبان پرې واکمن ول او دا مهال د امنيتي ځواکونو په ولکه کې ده؛ خو اوس هم د خلکو د عادي ژوند لپاره دغه سيمه نده چمتو شوې.

وسله والو طالبانو تر اوسه د دې سيمي د عملياتو په اړه څه ندي ويلي.

خبریال: بريالي رحيمي

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!