تازه خبرونه
امنیتي ځواکونه دې د خاص روزګان د خلکو ملاتړ ته ورودانګي- سرور دانش
د ولسمشر دوه یم مرستیال وایي، د روزګان ولایت په خاص روزګان ولسوالۍ کې د طالبانو د بریدونو په پایله کې لسګونه ملکیان وژل شوي؛ خو تر اوسه مرکزي او سیمه ییز حکومت له خلکو څخه د دفاع په لار کې هیڅ اقدام ندی کړی.
په ظاهره داسې ښکاري، چې د ولسمشر دوه یم مرستیال ښاغلی دانش پر خاص روزګان ولسوالۍ د طالبانو د برید په تړاو د امنیتي ځواکونو بې غورۍ په غصه کړی او له حکومتدارۍ خوښ ندی.
د ولسمشر دوه یم مرستیال سرور دانش د خبریالانو پر وړاندې د تاوتریخوالي له عاملینو سره د معافیت په تړاو د مبارزې د نړیوالې ورځې په نمانځغونډه کې پر دولت نیوکه وکړه او وایي، چې مرکزي حکومت د روزګان د هغو سمیو د ژغورلو لپاره هیڅ اقدام ندی کړی، چې طالبانو پرې برید کړی.
په دې مراسمو کې د ولسمشر دوه یم مرستیال وویل، ځینې حکومتي او ناحکومتي زورواکي د خبریالانو پر وړاندې د جرمونو په تر سره کولو کې له معافیتي ډال ګټه پورته کوي.
نوموړی همدا راز ټینګار کوي، چې د خبریالانو پر وړاندې د معافیت فرهنګ اوس پر سرخوږۍ اوښتی دی.
د افغانستان لپاره د ملګرو ملتونو ځانګړی استازی وایي، ملګري ملتونه له خبریالانو ملاتړ ته دوام ورکوي او زیاتوي، چې د خبریالانو پر وړاندې د تاوتریخوالي دوسیې باید په جدي ډول وڅېړل شي.
د افغانستان لپاره د ملګرو ملتونو ځانګړی استازی تدامیچي یاماموتو وایي: د خبریالانو پر وړاندې د جرمونو د تر سره کیدو عاملین باید فکر ونکړي، چې له قانون پورته دي؛ ځکه، نو د خوندیتوب فرهنګ باید پای ته ورسیږي.
د خبریالانو د خوندیتوب کمیټې مسوول نجیب شریفي وایي، چې په ۲۰۱۷ کال کې ۲۰ او په ۲۰۱۸ کال کې ۱۴ خبریالان په بېلابېلو پېښو کې تر برید لاندې راغلي او افغانستان په همدې دوه کلونو کې د خبریالانو لپاره د نړۍ خطرناک هېواد پېژندل شوی دی.
د یادونې ده، چې افغانستان دا مهال د رسنیو د آزادۍ له اړخه په نړۍ کې ۱۱۸ ځای لري.
خبریال: روهید اندېشمند
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه21 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
نړۍ19 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی20 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ