Connect with us

تازه خبرونه

امریکا باید افغان دولت ته د سولې په خبرو کې برخه ورکړي- نړیوال څېړونکي

خپور شوی

د

(Last Updated On: لړم ۳, ۱۴۰۱)

د امریکا د نړیړالو ستراتیژیکو څېړنو په مرکز کې ځینو څېړونکیو دا غوښتنه مطرح کړه، چې د سولې بهیر له ننګونو سره مخ دی او اړتیا ده، چې پاکستان د ترهګرو ډلو پر وړاندې رښتینې مبارزه وکړي.

د  نړیوالو ستراتيژیکو مطالعاتو په مرکز کې د څو هېوادونو څېړونکي را ټول شول او د افغانستان د سولې بهیر پر ستونزو او ننګونو یې خبرې تر سره کړې.

دوی له متحده ایالتونو غواړي، چې د افغانانو په مشرۍ د سولې خبرو شعار په عمل کې تطبیق کړي.

د منځنۍ آسیا د مطالعاتو د اکاډمۍ رییس روګر کانګاس وایي، چې امریکا تل په څرګند ډول خپل دریځ ښکاره کړی او په دې برخه کې یې خبرې کړي، چې د سولې خبرې باید د افغانانو په مشرۍ، مالکیت او اداره کې وې؛ دا یو ډېر ښه شعار دی، خو په عمل کې باید پلی شي.

د پاکستان لاسوهنې او ترهګرو ډلو ته په خپلې خاوره کې پناه ورکول د بحث نور موارد ول، چې له پاکستان څخه وغوښتل شول، چې د خپلو ګټو لپاره د ترهګرو ملاتړ پای ته ورسوي.

د امریکا په پوځ کې د سویلي آسیا سیمه ییز افسر حک ګیل وایي: پاکستان دې د ترهګرو لپاره نوره پناه نه ورکوي او په رښتیا دې پر طالبانو فشار راوړي، چې له افغان دولت سره د سولې خبرو ته کیني، د امریکا دریځ دا دی، چې په افغانستان کې سوله د پاکستان په ګټه ده اوهم د سیمې او د هغه هېواد په اقتصادې ودې کې هم دا کار ګټور پریوځي.

څېړونکي وایي، د سیمې په ځانګړې توګه د افغانستان ثبات لپاره هند مثبت رول لوبولی او دا دریځ ثابت دی او د سولې په بهیر کې هم د هند پر رغنده رول ټینګار کیږي.

د مرکزي آسیا لپاره د امریکا د ستراتیژیکو مطالعاتو په مرکز کې ښوونکی راهول ري چادري وایي، چې هند د ګاونډ هېوادونو د ټیکاو لپاره خپل رول مثبت ویني، په ځانګړي توګه د افغانستان لپاره؛ له همدې کبله هند تل د افغانانو په مشرۍ او مالکیت د سولې خبرو ملاتړ کوي.

د افغانستان د سولې په بهیر کې پر شته ستونزو او ننګونو په داسې مهال دا څېړونکي اندېښنه ښیي، چې ویل کیږي په دوحه  کې له طالب استازیو سره د امریکا شپږم پړاو خبرې په ښه ډول پای ته ورسیدې.

خبریال: روهید اندیشمند

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!