تازه خبرونه
امریکا په افغانستان کې خپل دیپلوماتان راکموي-فارین پالیسي
امریکایي چارواکو ویلي، امریکا له افغانستان څخه د خپلو ځواکونو او دیپلوماتانو ویستو ته چمتووالی نیسي، چې موخه یې د افغانستان په جګړه کې د لګښتونو لږوالی ګڼل شوی دی.
واشنګتن له یوې خوا له طالبانو سره د سولې خبرې کوي او بل خوا له افغانستان څخه د ځواکونو او دیپلوماتانو پر ویستو کار کوي.
د فارین پالیسۍ خبري مجلې د درې امریکایي چارواکو خبرې رااخیستې او څرګندوي؛ د ترمپ دولت د خپلو ځواکونو او دیپلوماتانو د کمولو په هڅه کې دي، چې موخه یې د امریکا له ټولو اوږدې جګړې څخه د واشنګتن ویستل دي.
د امریکایي چارواکو په وینا؛ د امریکا د بهرنیو چارو وزارت چمتوالی نیسي، چې خپل نیمایي ځواکونه هم تر ۲۰۲۰ کال پورې له افغانستان څخه وباسي.
د افغانستان د خلکو محور غړی جعفر مهدوي وایي؛ امریکا غواړي په افغانستان کې پوځي لګښتونه راټیټ کړي. له همدې کبله غواړي له طالبانو سره هوکړه وکړي او له هوکړې وروسته د جګړې د پای ته رسولو په نوم له افغانستان څخه خپل ځواکونه وباسي.
فارین پالیسي څرګنده کړې؛ دا طرحه په عراق، منځنۍ آسیا او ختیځې آسیا کې هم د امریکا د دیپلوماتانو کمی را نغاړي، چې دلیل یې تر ډېره له چین او روسیې سره سیالي یادیږي.
که څه هم په افغانستان کې د امریکایي دیپلوماتانو شمېر معلوم ندی؛ خو لګښت یې د نورو هېوادونو د سفارتونو په تناسب لوړ دی.
د امریکا د بهرنیو چارو وزارت وایي، په کابل کې د امریکا د سفارت د کارکوونکیو د شمېر ټاکنه په راتلوونکې کې د ترمپ د ځانګړیو موخو منعکس کوونکې ده.
د ولسي جرګې پخوانی غړی داوود کلکاني وایي، چې که امریکا د خپلو ځواکونو او دیپلوماتانو د ویستو په اړه بېړنۍ پرېکړه وکړي؛ دا به تر ډېره د افغانستان په ګټه نه وي.
د نوموړي د څرګندونو له مخې؛ دا راز پرېکړې باید له افغانستان سره په ګډه ونیول شي.
د افغانستان د بهرنیو چارو وزارت تر دې دمه په دې اړه څه ندي ویلي؛ خو د سولې عالي شورا وایي، تر اوسه واشنګتن له کابل سره په دې تړاو خبرې ندي کړي.
د سولې عالي شورا ویاند امین الدین مظفري وایي، چې که په دې اړه کومه پرېکړه کیږي اړینه ده، چې د افغانستان حکومت په کې راونغاړي.
د افغانستان جګړه د امریکا د تاریخ اوږده هغه ده او باور کیږي، چې امریکا له یوې خوا له طالبانو سره له هوکړې وروسته غواړي، چې د جګړې لګښت راټیټ کړي او بلخوا د افغانستان پر ځای خپل تمرکز پر نورو هېوادونو ډېر کړي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ1 day ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی1 day ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري