د ملي امنیت سلاکار حنیف اتمر د کابل او واشنګتن تر منځ امنیتی تړون د افغانستان په ګټه بولي او وايي چې امریکا خپلي ژمنې عملي کړي دي.

هغه وویل چې د افغان پوځ کلنۍ لګښت څلور زره نهه سوه میلیون ډالر کیږي چې څلور زره دوه سوه میلیون دالر يي امریکا ورکوي.

د ملی امنیت سلاکار وویل چې افغانستان دا مهال د سیمې او نړیوالو ترهګرو ډلو سره په جګړه بوخت دي.

دهغه په وینا د امنیتي تړون له مخې امریکا پوځ نه غواړي ځان د افغانستان په جګړه کې مخامخ ښکیل کړي.

په مشرانو جرګه کې د افغانستان د ملي امنیت د سلاکار حنیف اتمر په استجوابیه غونډه کې د جرګې غړو وویل چې امریکا له افغانستان سره په کړیو ژمنو عمل نه دی.

دوی ویل چې که څه هم امنیتي تړون لاسلیک شوی، خو د افغانستان امنیتي وضعیت ورځ تر بلې خرابیږي.

دوی د وسلوالو طالبانو او داعش پرلپسې بریدونو اندېښمن کړي دي.

د مشرانو جرګې غړی حسیب الله کلیمزی:

“د ترهګرو ډلو د ګواښونو ته په پام که امریکا زموږ استراتیژیک ملګری دي، نو ولې مرسته نه کوي!.“

د مشرانو جرګي غړیموسی اڅکزی:

“د امنیتي تړون په لاسلیک سره د د اعیش راتګ هم پیدا شو.“

د ملي امنیت سلارکار حنیف اتمر وویل چې د کابل او واشنګټن امنیتي تړون له څلورو میاشتو راهیسې عملي بڼه غوره کړې ده.

ده وویل چې د امنیتي تړون له مخې د امریکا پوځ په افغانستان کې مخامخ په جګړه کې ځان نه ښکیلوي او یوازې ملاتړی رول لري.

“د پیما په اړه پرمختګونه شوي؛ خو د دواړو خوا د ژمنو سره سم یو لړ محدودیت هم شته چې امریکا عملاً نشي کولای په جکړو کي ونده واخلي؛ ځکه چې موږ په جګړو کې د امریکا مخالف وو او امنیتي چارې افغان ځواکونو ته ورکړل شوي.“

د هغه په وینا امریکا هره ورځ د افغان پوځ د دوولسو میلیونو ډالرو اړتیاوې پوره کوي.

د ملی امنیت سلاکار وویل چې همدا او افغانستان د کورني دښمنانو تر څنګ د سیمی او نړیوالو ترهګري ډلي لکه القاعده،داعش د پاکستان د طالبانو تحریک، د ازبکستان د اسلامی جنبش، انصارالله  د ترکستان شرقی اسلامی جنبش سره مخا مخ او دوی د افغانستان په نا امنیو کې لاس لري.

ښاغلي اتمر زیاته کړه چې دوی هڅه کوي د کابل واشنګټن د امنیتي تړون په چوکاټ کې او له هغه بهر د یو بلې طرحې له مخې چې له نورو هیوادونو به مرسته وغوښتل شي افغان ځواکونه په هوايي او ځمکنۍ برخه کې سمبال کړي.

خبریال: عبدالعزیزکریمی