Connect with us

تازه خبرونه

امریکا د افغان حکومت د مشرانو پر ګډ کار ټینګار کړی

خپور شوی

د

(Last Updated On: لړم ۲, ۱۴۰۱)

vlcsnap-2016-08-18-15h38m38s150

د امریکا د بهرنیو چارو وزارت د افغان ولسمشر او اجرائیه رییس تر منځ له را ټوکیدلو ناندریو وروسته څرګنده کړې، چې له دواړو لوریو سره اړیکه لري او د دوی پر ګد کار ټینګار کوي.

د امریکا د بهرنیو چارو وزارت مرستیال ویاند مارک تونر وايي، مونږ له دواړو افغان مشرانو سره له نږدې په اړیکه کې یو هم په کابل کې د خپل سفارت له لارې او هم له واشنګتنه.

د هغه په وینا؛ زمونږ اټکل دا دی، چې هغوی له پام وړننګونو سره مخ دي، خو مونږ ورڅخه د ملاتړ له پاره چمتو یو.

مونږ له هغوی غواړو، چې د سمونونو خپل پروګرام عملي کړي او زمونږ په باورهغوی د جلا کار پر ځای له یو او بل سره د ګډ کار پر ارزښت پوهیږي.

د امریکا د بهرنیو چارو وزارت د ویاند مرستیال وایي، چې واشنګتن له افغان دولت او په سیمه کې له خپلو متحدینو سره کار کوي او غواړي، چې داعش د خان د خوندیتوب له پاره فرصت برابر نه کړي او دغه راز نه پریږدي، چې دا ډله له طالبانو او نورو ډلو مادي ملاتړ وکړي.

مارک تونر وایي، مونږ په افغانستان کې د داعش پورې اړوند ډلو حضور له نږدې څارو، مونږ له افغان ځواکونو سره په نږدې اړیکه او همغږي کې یو او لکه مو، چې ویلي که مونږ د داعش د مشرتابه د له منځه وړلو فرصت تر لاسه کړو، برید به پرې وکړو.

ښاغلی تونر طالبانو ته هم پیغام لري او ټینګار کوي، چې له طالبانو سره خبرې باید د افغانانو په مشرۍ او مالکیت وي. که هره ډله ظهور کوي، دا هڅې پیچلې کوي. مونږ سولې او ثبات ته د رسیدو یوه اوږدمهاله لار خبرې بولو او د دغو هڅو تشویق کوونکي یو. مونږ طالبانو ته روښانه پیغام لرو او هغه دا، چې هغوي باید له افغان دولت سره خبرې تعقیب  کړي.

 د امریکا د بهرنیو چارو وزارت په افغانستان کې  د تاوتریخوالي کچه لوړه بولي او زیاتوي، چې افغان ځواکونه تر ګواښ لاندې دي؛  خو امریکا هغوي نه پریږدي او ترې ملاتړ یوه اړتیا بولي.

خبریال : فهیم نوري

Advertisement

تازه خبرونه

د ازبکستان بشري مرستې بلخ ته راورسېدې

Published

on

(Last Updated On: غویی ۶, ۱۴۰۳)

نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.

د سیمه‌ییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخان‌دریا د والي له‌خوا د بلخ  چارسمبالي والي ته سپارل شوې ده.

د سرخان‌دریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.

په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.

کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.

Continue Reading

تازه خبرونه

په سیمه او هېواد کې امنیتي پېښې وارداتي دي – امیر خان متقي

Published

on

(Last Updated On: غویی ۶, ۱۴۰۳)

نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان‌-قزاق نندارتون د پرانیستې په مراسمو کې  د افغانستان او سیمې امنیتي پېښې وارداتي یادې کړې دي.

نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.

بل هېواد د هغې لارې پر سر پروت دی، چې امن خرابوونکي افراد ترې راتېریږي.

او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.

ویل کیږي، چې بد امني پر ګډه همکارۍ او همغږۍ له منځه وړل کیږي.

Continue Reading

تازه خبرونه

له اسلامي امارت سره  نړیوالې اړیکې ورځ تر بلې پراخیږي – ذبیح الله مجاهد

Published

on

(Last Updated On: غویی ۶, ۱۴۰۳)

د اسلامي امارت ویاند ذبیح الله مجاهد افغانستان ته د ګڼ‌شمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.

ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.

د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.

د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.

Continue Reading

Trending

Copyright © 2022 Ariana News. All rights reserved!