تازه خبرونه
امريکا: پاکستان کې د ترهګرو اډې د سيمې امنيت ته د اندېښنې وړ دي
د امریکا د دفاع وزارت څرګندوي چې د پاکستان په خاوره کې د ترهګرو پټنځایونه نه یواځې د افغانستان او پاکستان بلکې د سیمې امنیت ته لویه ننګونه دي.
پنتاګون په یوه رپوټ کې چې کانګرېس ته يې لېږلی، ویلي چې لا هم د پاکستان په خاوره کې د طالبانو او حقاني شبکې جګپوړي مشران آزاد فعالیت لري. له بلې خوا د امریکا ولسمشر بارک اوباما د خپل اته کلن حکومت لویې لاسته راوړنې د اسامه بن لادن او نورو زرګونو ترهګرو وژنه بولي او وایي چې دې اتو کلونو کې ترهګرو ونه کړای شول چې په امریکا کې کوم ترهګر برید عملي کړي او یا د دې هېواد امنیت ته زیان ورسوي.
د امریکا د ولسمشر بارک اوباما وروستۍ خبري غونډه په داسې حال کې جوړېږي چې پنځه اونۍ وروسته به خپله څوکۍ ډونالد ټرمپ ته پرېږدي، خو په دغې خبري غونډه کې د نوموړي د خبرو ډېر تمرکز د امریکا، سوریې، روسیې، ایران او چین په ولسمشریزو ټاکنو و، خو د نوموړي د خبري غونډې په وروستیو برخو کې په افغانستان کې د سرتېرو په شمېر کې کموالی، د اسامه بن لادن او نورو زرګونو ترهګرو وژنه د خپل اته کلن حکومت لاسته راوړنې ګڼي.
د امريکا ولسمشر بارک اوباما وايي: “کله چې ولسمشر شوم، په بهرني سیاست کې د دوو جګړو په منځ کې و. نږدې یو سل او اتیا زره سرتېري مو دې دوو جګړو کې لرل چې اوس پنځلس زرو ته را ټیت شوي دي. بن لادن یو چېرې پټ و، د جګړې په میدان کې له نورو زرګونو ترهګرو سره حذف شو. په تېرو اتو کلونو کې هېڅ ترهګر بریالی نه شو چې زمونږ پر هېواد له بهره کوم برید وکړي.”
په همدې حال کې د امریکا دفاع وزارت په یوه راپور کې چې یوسل او شپږ پاڼو کې په افغانستان کې د امنیت او ثبات د ښه والي تر سرلیک لاندې کانګرېس ته لېږلی راغلي، د طالبانو او حقاني شبکې مشران لا هم په پاکستان کې خوندي پټنځایونه لري او په آزاد ډول فعالیت کوي.
کانګریس ته د امریکا د دفاع وزارت رپوټ يوه برخه: “ترهګرو ډلو د طالبانو او حقاني شبکې د مشرانو په ګډون د پاکستان په خاوره کې د ننه خوندي پټنځایونه ساتلي دي. د حقاني شبکې د ګواښونو د له منځه وړلو له پاره د پاکستان فعال اقدامات نه دي لیدل شوي. له پاکستان سره د ترهګرو د پټنځایونو د مخنیوي په تړاو د واشنګټن دریځ روښانه دی. ترهګرې ډلې د طالبانو او حقاني د مشرانو په ګډون د پاکستان په خاوره کې آزاد فعالیت لري.”
په همدې حال کې ولسمشرۍ ماڼۍ د امریکا د دفاع وزارت د دغه رپوټ په هکله داسې نظر لري.
د ولسمشر د وياند مرستيال سيد ظفر هاشمي وايي: “د هېواد ملي اردو ثابته کړې ده چې هېڅ کله به هم اجازه ور نه کړي چې دښمن يې خپلو ناوړه اهدافوته ورسېږي.”
دغه رپوټ کې زیاته شوې که څه هم د سولې په پروسه او د ترهګرۍ پر ضد مبارزه کې د افغانستان او پاکستان تر منځ د همکاریو فضا پېچلې شوې، خو امریکا د سولې د یوه داسې بهیر ملاتړ کوي چې مشري یې د افغانانو په لاس کې وي، خو ولسمشر اوباما سپینې ماڼۍ کې په خپلو خبرو کې په عراق او افغانستان کې د جګړو د درانه لګښت یادونه کوي.
بارک اوباما زیاتوي: “کله چې ولسمشر شوم لا مو په عراق او افغانستان کې سرتېري وو او مونږ یوه لسیزه جګړه شاته پرېښوده او تریلیونونه ډالر مو ولګول.”
پنځلس کاله کېږي چې امریکا او متحدین یې په افغانستان کې پوځي حضور لري، خو لا هم دې هېواد کې د جګړو شدت نه دی کم شوی او ترهګر خپل ټول جنګي پلانونه د پاکستان په خاوره کې جوړوي او له همدې ځایه د وسله والو یاغیانو مشري کوي.
تازه خبرونه
د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير
د ریاست الوزراء سياسي مرستیال مولوي عبدالکبير د سې شنبې پر ورځ ( د وري اتهویشتمه ) په سپېدار ماڼۍ کې د صنعت او سوداګرۍ وزارت له چارسمبالي نورالدين عزيزي سره وکتل.
نورالدین عزيزي ويلي، له ګاونډ هېوادونو سره ښې سوداګريزې اړيکې د دې لامل شوي، چې په هېواد کې دننه بيې په ښه حالت کې پاتې شي او د لارو بندېدا به پر بازار منفي اغېز ونکړي.
عزیزي زیاته کړې؛ د صنعت او سوداګرۍ وزارت له خصوصي سکټور سره همکار دی، چې له اغېزې یې خصوصي سکتور هم په سمه توګه فعالیت کوي او اسلامي امارت ورته لازمې اسانتیاوې برابرې کړې دي.
د نوموړي د څرګندونو له مخې؛ د اسلامي امارت د ښې اقتصادي پالیسۍ پر بنسټ د سیمې له هېوادونو سره په صادراتو او وارداتو کې د پام وړ پرمختګونه شوي دي. همدارنګه د افغانستان محصولات د منځنۍ آسیا په هېوادونو کې ښه بازار لري او د بازار موندنې لپاره یې په نورو بازارونو کې هم نندارتونونه جوړ کړي دي.
دغه راز مولوي عبدالکبیر د سوداګرۍ او صنایعو وزارت د رهبرۍ له هڅو ستاینه وکړه او څرګندوي: د امارتي ادارو بېسارې هڅې او د افغانۍ د بیې ثبات د دې لامل شوی، چې د خوراکي توکو بیې په ټیټه بیه کې پاتې شي او خلک مو د اړینو توکو د پیرودلو وس ولري.
مولوي عبدالکبیر له ګاونډ هېوادونو سره په سوداګرۍ کې د انډول پر ساتلو د ټینګار ترڅنګ زیاته کړې، چې د کورنیو تولیداتو د ښه کیفیت او د صنعت د ودې او پراختیا په برخه کې باید نورې هڅې هم وشي.
تازه خبرونه
روسیې او تاجکستان د افغانستان پولې ته نږدې ګډ پوځي تمرینات پیل کړل
د روسيې دفاع وزارت په خبرپاڼه کې راغلي؛ دغه پوځي روزنیزې هڅې د اپرېل پر پنځلسمه پيل شوي او د اپرېل تر اتلسمې به روانې وي، چې د ترسره کېدو موخه يې له ناقانونه وسلهوالو ډلو سره د مبارزې او د دولتي پولو ساتنه ده.
د روسيې دفاع وزارت زیاته کړې: د دغو پوځي روزنیزو هڅو د پرانستلو مراسم د تاجکستان د ختلان سيمې د خرب – میدون په غرنۍ دښته کې ترسره شول. دا دوه اړخیزې روزنیزې هڅې به د اپریل له پېنځلسمې څخه تر اتلسمې پورې روانې وي.
د روسیې دفاع وزارت ویلي، چې په دغو ګډو هحو کې د ترهګرو ډلو د له منځه وړلو لپاره د وسلهوالو ځواکونو د کارولو تنظیم، په غرنیو شرایطو کې د دندو د ترسره کولو لپاره د ځواکونو چمتو کول او د روزنې او عملي تجربې موضوع شامله ده. د روسیې پوځي ډله، چې په هڅو کې برخه اخلي په ټولیزه توګه په تاجکستان کې میشت د ۲۰۱ پوځي اډې سرتېري دي، چې د دې هېواد له پولو بهر د روسیې ترټولو لویه پوځي اډه ده.
د ګډ امنیتي تړون ټولنې غړي هېوادونه له افغانستان څخه د ګواښونو پر زیاتوالي اندېښمن دي او د دغو ګواښونو د مخنیوي لپاره پر همکارۍ ټینګار کوي. تاجکستان، قزاقستان، قرغزستان، ارمنستان، بیلاروس او روسیه د ډله ییز امنیتي تړون غړي دي.
په افغانستان کې له ۲۰۲۱ کال راپدیخوا روسیې او تاجکستان د لومړي ځل لپاره له افغانستان سره پولې ته څېرمه ګډ تمرینونه وکړل.
په ورته وخت کې اسلامي امارت د هېوادونو اندېښنې بې بنسټه بولي او وايي، چې د افغانستان خاوره به د هېڅ هېواد پر ضد ونه*کارول شي.
تازه خبرونه
د رسنیو سرغړونې کمیسیون د دوه ټلویزیوني شبکو د تړلو سپارښتنه وکړه
د باختر خبري سرچینې د څرګندونو له مخې؛ د سې شنبې پر ورځ ( د وري ۲۸ ) د رسنیو د سرغړونو مخنیوي کمیسیون د نور او بریا ټلویزیونونو ته سپارښتنه کړې، چې خپرونې ودروي او محکمې ته حاضر شي.
ویل کیږي، چې د دغو شبکو پر وړاندې پرېکړه د ژورنالیزم د اصولو نه مراعاتولو له کبله رامنځته شوې ده.
-
لوبی2 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه3 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه1 day ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ14 hours ago
امريکا او متحدین یې پر ايران د نورو بنديزونو لګولو هڅې کوي